Sweet Monster (Closed)

係朗豪坊行街，先知道sweet monster開咗分店。見到唔少人排隊，於是我又拉埋朋友一齊試吓。我叫咗 朋友叫咗 原來份量都幾大，一個人食晒太飽，下次要share先得。雪糕本身已經偏甜！加埋爆谷甜上加甜！焦糖味唔錯，下次會只買爆谷，唔食雪糕。

今晚我們去咗旺角朗豪坊嘅「Sweet Monster」食飯甜品！我們叫咗焦糖爆谷雪糕！焦糖嘅味道非常惹味香甜，爆谷相當新鮮香脆，夾埋軟滑嘅雪糕一齊，亦唔會變諗，真係超好味呀，而且份量都幾多！店員嘅服務亦好親切有禮！

食完午餐 係Langham Place行街路過依間韓式雪糕好幾次都想試今日終於去買左試下買左兩杯中杯雪糕一杯係 Caramel Macchiato 一杯係焦糖爆谷雪糕就咁睇個樣 雪糕已經好吸引可能爆谷本身已經好甜 所以加埋雪糕食落更甜整體味道ok 爆谷好脆而 Caramel Macchiato 個杯 可能無爆谷係到望落去好細杯但係同平時飲咖啡味道一樣 不錯

今日終於試到這個人氣韓國爆谷雪糕，據聞Sweet Monster 做甜品的理念是「Be faithful to basic flavor」，所以雪糕底係人手做的牛奶雪糕，超過75%為牛奶，會令牛奶味更出更香滑。上面係非油炸爆谷，脆卜卜，焦糖味又夠，幾好食，但老老實實，爆谷的份量略多，味道遮晒雪糕嘅牛奶味！牛奶雪糕應該係主角，但被配角爆谷搶晒，雪糕同爆谷嘅配搭無相輔相乘到，好可惜！但如果淨買爆谷，應該食唔停口！

本來唸住去朗豪坊行街，一入門口見到sweet monster新開，我又未食過爆谷雪糕就想試。叫左焦糖爆谷雪糕。d爆谷唔脆，又硬，咬到牙都軟。爆谷同雪糕既味道溝唔埋，唔match。爆谷還爆谷，雪糕還雪糕。食唔哂。

位於朗豪坊商場三樓IT門外的雪糕店，遠遠已見一堆人聚集，當然要試下啦！店舖設計搶眼，吸引一班年輕，尤其是女孩。焦糖爆谷雪，見店員將爆谷黏上雪糕面，與韓國首爾做法很不同，人家將爆谷與雪糕混合成，所以口感略欠層次，但值得一讚是爆谷脆口，雪糕有香滑牛奶味，都幾好味1