Power Burger (黃竹街)

Open Now

Now Closed

估唔到屋企附近有間咁正既漢堡包店，裝修仲好文青嘅feel，牆身好多特色的圖畫，打卡都幾好👍🏻，同埋本身都好鐘意食漢堡包，見到呢間就岩哂我，餐廳有好多款唔同款式既漢堡包，同埋特色小食，極度推薦金黃炸魚條同埋甜香番薯條呢樣嘢好正冇得輸👍🏻餐廳主打牛肉漢堡，用既都係安格斯牛肉仲有CAB認證🤩今次點左焦脆漢堡、焦脆雞堡，仲有得加$38配任何一款小食同埋一罐汽水飲品🥤焦脆漢堡：$88焦脆漢堡入面有二塊兩安士安格斯漢堡扒再加芝士配埋有機蔬菜同埋自家秘製醬汁，食落去好爽口，漢堡扒好有肉質同埋好有肉味好好食，好似炸咗個肉餅咁好鬆脆👍🏻份量都好十足，蔬菜好新鮮，淨係食一個都好飽焦脆雞堡：$88焦脆雞堡入邊有兩塊冇激素雞扒，仲有本地有機蔬菜，加上自家秘製他他醬汁，雞肉好軟熟好有雞肉味，咬落去啲汁出晒嚟好似爆汁咁，份量都滿足，好有口感值得推薦👍🏻小食金黃炸魚條同埋甜香番薯條，金黃炸魚條外面鬆脆入面帶有魚肉鮮味，炸得好食😋薯條好香番薯嘅味道，番薯炸成一條條薯條鬆脆可口好食😋📍地址：Power Burger (黃竹街) (深水埗)深水埗黃竹街2K號地舖

最近中意左食漢堡，留意到深水埗呢間小店有Smash Burger，聽就聽得多，但從未食過，網上評價唔錯，所以搵左個平日LUNCH去食。星期四下午點零嚟到，當時無客人，落完單等個零字就食得。焦脆漢堡 $88內有兩塊煎到扁嘅2oz漢堡扒，扒邊食落焦脆，有少少牛香同少量黑椒味，配埋自家製酸酸地嘅醬汁同酸瓜仔，食落一d都唔溜，加上非常鬆軟嘅麵包，個人覺得好好味!!🤤如果中意食啖啖肉嘅朋友，呢度都可以揀唔係Smash版嘅漢堡，相信都唔錯。焦脆雞堡 $78雞扒煎得幾靚仔，不過食落就聯想唔到脆。醬汁同牛堡一樣，朋友就中意呢款多D。另外加$38要左兩款特別d嘅小食----金黃炸魚條同埋佐酒炸雞粒炸魚條食落有魚香，質地似魚腐，但再軟身少少；炸雞粒就普普通通。餐廳除左茄醬外，仲有黃芥未同蛋黃醬供客人任添。另外仲有軟糖比大家咬下😏嚟個飯後一點甜。整體食物味道唔錯，食之前自己覺得份量幾細，但原來成個餐食哂之後，非常飽😅如果仲有下次，應該會繼續食焦脆漢堡。餐廳除現金外，都接受其他付款方式。