功夫點心

Open Now

Now Closed

今次係第二次光顧，上次帶媽媽食完一次，呢次帶男朋友去，可惜無甘好食lu.......兩個去食點心，呢樣又想食，嗰樣又想食，加上我個人甘為食蝦餃，燒賣係男朋友飲茶必點嘅，呢度有樣好，可以逐件甘樣點（兩件起計）蝦餃唔錯，夾起時個皮唔會爛，入面除了為左辟腥嘅胡椒粉外，仲加入左黑椒，幾特别！燒賣就覺得一般，入面好大舊肥肉！腸粉皮薄，而且都好多料今次呢碟香煎糯米雞，的確好香脆，但一咬落去滿口都係油，比上次失色了到最後，想講兩次黎呢間食店都係無服務可言。當晚九點幾去食，入面只有兩，三枱客，我倆入去自己揀左張枱坐下，叫服務員開左茶，落單！我係鐘意食辣嘅朋友，想叫一碟辣椒油，但舉手一陣都無人理，樓面面人，只見收銀枱那邊有兩位服務員坐著傾計，幾分鐘後，有人送食物上枱，終於有辣椒油啦，唉……想沖茶更加唔洗講如果無咩客，服務係甘，真想像唔到繁忙時間會係點！

琴日上openrice睇到可以上網訂位, 而且仲有九折, 一於試下先~~~不過唔知係唔係system嘅問題, 登記了好幾次都未有收到電話msg今日準時1點去到，不用等位真好。店內裝修環境不錯，當然沒有酒樓般嘈雜。入座後立刻看看點心紙有咩食啦~點心紙設計不錯~~好有中國特色，睇落好似功夫秘笈點了幾款點心後，等食.......上菜時間稍耐，如果點蒸飯，點心紙都寫了需要等15分鐘。叉燒包比起酒樓的size較細，看上去不錯，但我冇食到，不知味道如何~蝦餃不錯~~大大粒，實的的蝦餃、燒賣一類點心是每粒叫的，最少2粒起，如果2個人黎食都可以叫2粒，唔洗叫一籠，又可以食多其他款點心，抵讚送上台時覺得好細籠，但係有6件，每人食少少~~馬拉糕好味道，好鬆軟，夾起放落碗都會彈返起。鳳瓜冇食到，應該同酒樓差不多煎糯米雞好細份，入面冇咩料，煎咗後食到外層好似飯蕉，可以一試嘅。不過我都係喜歡傳統糯米雞。牛肚同蘿白好入味差唔多食完點心先到嘅排骨蒸飯