良記

Open Now

Now Closed

之前睇網上介紹，所以第一次幫襯，只有外賣無堂食的小店，值得支持🙌餃子餡料足料， 咬有爽爽地嘅感覺好似係沙葛，一定要落辣椒油先夠惹味😋唯一希望老闆可以改用其他紙盒質料外賣盒，因為餃子即叫即煎，煎餃子好新鮮熱辣，令到外賣發泡膠盒底部有點溶😥😥這樣始終會產生有害化學物質，所以亦建議自備外賣盒去幫襯

呢間餃子店真係由中學食到依家，食左十幾年了可能係全香港最好食最有人情味既煎餃子每次黎買餃子老闆同老闆娘都會好熱情地招呼所有客人上次過黎想食餃子既時候竟然無開🙁🙁🙁🙁所以隔左兩日我就專登再去買餃子食啦招牌煎餃 （hkd33 / 10 pcs）雖然入面既餡料係齋比肉多好多倍，但係個味道真係超級好食！！！尤其是d 餃子係老闆娘一路包 老闆一路煎黎賣，所以d 餃子一直keep 住熱辣辣新鮮煎出黎！一定要加辣椒油！加左更添惹味同風味！

▶️自從網絡上媒體發表了這小店為將軍澳寶琳區小食排名中的第一位之後，本來已有一定捧場客，現在就更多人了，大部份時間都有人龍在門口。▶️記得我第一次幫襯是$0.8一隻餃子，到了現在要$2.2一隻了，幫襯了這麼多年，已與店主頗熟稔，小店由兩夫婦主理，女的負責包餃子，男的負責煎餃子，其聞名的煎餃子多年來保持水準，餃子皮不是自家搓製，而是叫貨的，而餡料有韭菜、筍、紅蘿卜等等。皮，煎得香，尤其皮邊香脆。餡料的比例以至調味掌握得好，配上醬油及加幾滴辣油就更加美味，難怪受大家歡迎。

呢間野相信係喺寶林讀書嘅學生放學掃街嘅至愛！招牌煎餃係必食！想健康可以揀食蒸餃，都係咁好食！每次去都要排隊，今次等咗十幾分鐘度，大家都好耐心等，證明好食啦！餃子配料全係蔬菜，如蘿蔔絲，韮菜等，睇到都新鮮！飲品櫃好多選擇，我會揀唔係度度有嘅荔枝玉露。今次一個人食tea，買咗十隻，都係18蚊咋！留意返，食店內同附近都無位坐，咁點算呢？俾個建議你：緊係行去附近嘅寶翠公園，坐喺公園啲長櫈食啦！