BRICK LANE (利園六期) (Closed)

今日約左好耐無見既舊同事食飯，約係大家既中間點銅鑼灣，朋友推介食呢間西餐廳，我未食過當然無所謂，即管一試餐廳位置唔近鬧市中心，但難得靜靜地食餐飯，時代廣場行去都係5分鐘，所以都係唔錯既選擇可能位置偏僻左少少，我地七點去到都未滿座，而且餐廳座位闊落好舒服，食飯都自在d餐廳食物選擇都幾多，而且份量都唔少，價錢都算可接受，我地點左一個煙三文魚班尼迪蛋，一個素肉漢堡同一個黑松露磨菇天使麵因為怕太飽所以無點甜品班尼迪蛋個蛋味好香好夾煙三文魚，沙律都好新鮮好正賣相好靚黑松露磨菇天使麵絕對值得一試，黑松露好香配芝士忌廉無得彈，天使麵每一啖都有個醬包住，好惹味，食到無停口素肉漢堡係唯一一個缺點，基本上包同素肉都係無味道，我地只食得出豆腐味，其他只係一d無味既野，而且包入面連醬汁都無點加，有待改善但個薯條的確值得一讚，炸得好香脆，入面既薯仔蓉好多好香，正

今晚來到銅鑼灣的Brick Lane, 並非位於繁忙的街道，額外寧靜。店內的燈光偏黃，餐桌上有一盞小燈，座位寬闊，非常Relax~Buy 1 Get 1 Free 的推廣，叫左杯啤酒飲下。前菜點了烤帶子南瓜藜麥沙律，聽就聽得多藜麥係好健康，但都係第一次食，口感好特別，帶子烤過，所以都好鮮甜香口，再配上鮮嫩翠綠蔬菜，非常健康。主菜揀左煙三文魚班尼迪蛋，賣相好靚，一切開，蛋汁湧出。而半生熟嘅蛋好濃郁幼滑，煙三文魚微醎，層次豐富。甜品揀左Vanilla Ice Cream Pancake, 鐵鍋熱辣辣，配上鬆軟pancake，冰凍雪糕同甜醬，口感非常豐富~。

真是好喜歡Brick lane，雖然價錢不便宜，但每次來都喜出望外，食得好愉快的。在我的中學附近的brick lane地理位置一流，附近旺中帶靜。黑松露野菌湯的磨菇磨得很碎，每啖都有香濃菇味，很香口，黑松露都很惹味。而餐包烘過亦很香脆，沾包一流！薰衣草檸檬汽水，有清新的薰衣草香味，味道不算太過甜，不像普通可樂雪碧。這個配搭很清新，而且有汽很解渴。煙三文魚班尼迪蛋絕對是水準以上，一切開蛋黃，中間的蛋漿像火山溶岩般流出，配煙三文魚英式鬆餅一流，最重要煮水煮蛋是真的拿捏得好，出來的形狀和質感一百分。黑松露蘑菇天使意粉奶油很重味道，蘑菇份量多，切得幾大粒，有咬口。全部食物都很好，無得彈，而且環境很放鬆寫意。