玩具小屋咖啡室 (Closed)

旺角樓上Cafe選擇多，成日都唔知揀邊間好，通常都係去登打士廣場，但今日發掘到依間！本來比佢嘅甜品畫吸引，但原來要做一日order，所以今次無試到一入去見到門口擺放好多board games, 選擇比其他cafe多，仲有迷你足球機、籃球機，cafe佈置充滿童心，令人耳目一新雖然座位唔太闊落，價錢唔係特別平，但食物質素好而且可以坐幾耐玩遊戲都得，確實係同朋友吹水嘅好地方！1. 小食:  芝士法式焗薯條、小食拼盤、香酥炸雞翼小食都係熱辣辣上枱，個人覺得炸雞翼最好食，又香脆又入味，值得一試！薯條份量多，適合多人食，小食拼盤味道就較為一般。2. 意粉系列: 煙三文魚黑松露忌廉天使麵、蒜香辣椒炒香草海蝦魷魚扁意粉忌廉天使麵入口香滑，黑松露味道濃郁，一試愛上，而且三文魚配搭得好好，好推薦依個意粉蒜香炒扁意粉就辣辣地，相比忌廉天使麵較乾身，但有海鮮配搭都唔錯！3. 飯: 燒元貝配野菌煮忌廉意大利飯、西班牙雞肉燉飯兩個飯都軟硬適中，味道冇上面嘅意粉咁強烈，但係配合唔同嘅醬汁味道都唔錯。鍾意食辣嘅朋友可以揀西班牙雞肉燉飯。4. Pizza 🍕 Pizza係咁多食物之中最有驚喜嘅，佢嘅餅底較為薄，唔係麵包

其實之前已經同一班朋友黎過一次，覺得食物都幾好咁🤔同埋坐得都好舒服，環境好好👍🏼而咁岩近排又有朋友生日，所以好想order個生日碟比朋友，等佢驚喜下～今次我地係平日夜晚黎，都唔算好多人，所以好岩同朋友密密傾🙆‍♀️我地order左一個煙三文魚黑松露忌廉天使麵同意大利黑醋燒酥皮三文魚～個天使麵好creamy🤗仲要配上整成玫瑰花形狀既煙三文魚，相當不錯👍🏼少少意見就係佢黑松露個味唔算好突出🤔但整體來說都挺好的！呢個燒酥皮三文魚係出乎意料之外好味🙈仲配上薯蓉，個薯蓉係我朋友大讚的～每一啖三文魚食落口都係滲透住油，感覺好肥美🤤最期待期待既一定係佢舖頭呢個生日碟😍係要預先order的！因為我朋友好鐘意Hello Kitty的～所以已經一早比圖佢幫我畫上去😝大概呢個生日碟都要等二十至三十分鐘到，所以差不多食完就可以叫佢整定先，費事等得太耐啊！呢個生日碟係超有驚喜啊😍個Hello Kitty真係畫得好靚好靚！連我呢個唔算好鐘意Hello Kitty既人見到都覺得好幸福🙈同埋佢真係畫得好接近原圖，好神奇究竟點樣可以做到🤔個度既服務員其實都好好～係會同你一齊唱生日歌～好想下次再黎再整其他公仔既生日碟啊😳

第一次黎係同好姊妹慶祝生日，已經覺得裝修好warm，亦提供好多款box game實唔怕悶！重點當然係精緻既生日畫盤今次再同老公黎試，果然冇失望，食物Keep住水準，今晚試左煙三文魚黑松露天使麵，每一啖都有黑松露既香味！另外叫左個廚師推介長通粉，但唔記得名味道係千島醬max忌廉甘上下，幾特別！最後仲加左$45小食，燒牛肉芝士卷，份量有3件，由於本身個餐份量都好足，真係飽到頂住！餐跟杯$45內飲品，又係大大杯，唔似出面cafe細細杯未食完餐飯已經飲晒食完仲可以慢慢坐慢慢飲可能閒日關係唔太多客人，可以係寧靜又溫馨既環境下同老公撐枱腳已經約定姊妹下次再黎慶祝生日

是日繼續本大姐生日飯局 人長大 大家職業不同 工作時間不同 要一直堅持相約 委實不易 就這樣 我們伵為了能當月成功慶祝 已感恩地高興了一番之前睇食評 一直有留意呢間樓上cafe 見到風評不錯而且自訂蛋糕碟圖案 今晚就來試試啦餐廳環境舒適 色彩繽紛 較一般樓上cafe空間感強牆壁擺設或燈飾也見到餐廳的心思和童趣柚子蜜 $42 OK 甜左少少香橙梳打 $45 普通 友人說像在飲香精水等上菜前 來玩玩board game先 店子遊戲都算多種類及齊備 今日第一次玩這款 大愛小食拼盤 $108 OK3-4人份量 包括有薯格 薯餅 炸芝士及雞翼 除炸芝士口感及味道奇怪外 其他都在水準中意式香草肉丸 $48 OK與期望出現極大落差 夢想中的肉丸 變成很實在的肉球 而且味道很牛丸汁料也平平 這道就不必嘗試了煙三文魚黑松露忌廉天使麵 $128 雖然小食比較遜色 但主食一到 馬上眼前一亮 賣相不錯 煙三文魚也不少 天使麵沒過淋 汁料也香 整個搭配得很好 大家都不停夾燒元貝配野菌煮忌廉意大利飯 呢個賣相都好好 傻乎乎的友人聲稱那裝飾麵是酒樓的肉絲炒麵（just kidding)意大利飯夠黏糯 份量亦不少 不

今天和友人聚會, 商討事宜有朋友推介此cafe主食我選了煙三文魚黑松露忌廉天使麵煙三文魚有一大片, 麵中還夾雜三文魚碎塊忌廉汁香滑而不膩. 好creamy黑松露散佈於整碟麵, 提升食物香氣！正！這裡的飲品具有特色同行友人點了啫喱花茶系列不同味道的啫喱可當糖用舀一點放進花茶中調味但提子啫喱的味道與花茶沒那麼配合我則選了蘋果酵素特飲據餐牌介紹, 酵素是由木瓜及多種新鮮生果發酵而成飲品底部有些很微細的碎粒, 大抵那些就是水果酵素的凝結物吧！所以都附有粗身的飲管, 可吸到那些凝結物味道不會是死甜, 感覺很清新！不過今次沒時間玩這裡提供的board game呢！　值得再光顧！

最近成班朋友諗住夜晚食飯，有得食、有得玩、有得hea...結果去了呢間樓上cafe「玩具小屋咖啡室」，裝潢好有玩樂嘅感覺。我發現有好多唔同嘅board game玩，娛樂性都幾豐富。我哋成班人點算左「海鮮拼盤(炸魷魚、炸蝦、炸軟殼蟹、炸魚柳)$128」、「煙三文魚黑松露忌廉天使麵$108包餐飲」、「帕爾馬白酒海鮮意大利飯$118包餐飲」、「意式辣肉腸Pizza(洋蔥、青椒、芝士、辣肉腸等)$148包餐湯+餐飲」、「芥末牛油包糠焗燒羊架$158包餐湯+餐飲」、「德國芝士牛肉漢堡配薯條$158包餐湯+餐飲」。「跟餐餐湯」類似薯仔用嘅忌廉湯。「海鮮拼盤(炸魷魚、炸蝦、炸軟殼蟹、炸魚柳)」足夠三至四人份量，呢個海鮮拼盤有啲失色，但係賣相都唔差嘅，只係魷魚無咁有口感，另外炸魚柳有啲似薯仔嘅感覺。炸蝦及炸軟殼蟹都不過不失。「煙三文魚黑松露忌廉天使麵」呢個天使麵做得唔錯，味道啱啱好唔會太鹹，好Creamy，煙三文魚都好大塊。「帕爾馬白酒海鮮意大利飯」可能自己唔係好鍾意意大利飯，所以麻麻哋欣賞，感覺好濕嘅飯咁。「意式辣肉腸Pizza(洋蔥、青椒、芝士、辣肉腸等)」呢個Pizza份量有十塊，唔會太乾身，味