Cafe Paradise (砵蘭街) (Closed)

路過砵蘭街比呢間餐廳外面嘅小擺設吸引咗！登登！就係佢外面嘅旋轉木馬同摩天輪🎡會轉架個 木馬！少女心都出哂黎我張枱隔離有隻熊啤啤，好得意，摸過佢勁滑！望住佢都覺得開心呀！我同朋友大約6點到 唔算多人，但坐下坐下d人又爆哂啦！勁呀，而且都聽到好多人book咗枱！燈光柔和，都算舒服架，仲有播住d歌！準備開餐啦！先黎前菜沙律好多日式芝麻醬，我都幾鐘意之後黎個餐湯，今次係雜菌湯，好濃菇味架！主菜黎啦，黎啦⋯⋯gogogo!今次叫咗煙三文魚海蝦黑松露天使麵原本餐牌上應該係 就紅蝦黑松露天使麵嘅不過好似佢地暫時冇紅蝦所以我都照要呢個吧！睇落都唔錯，主要我係想食黑松露汁嘅天使麵！哈哈！d蝦麵幾大隻，而且爽口架！而黑松露汁都好夠味呀，我朋友試咗一啖都覺得好夠黑松露味！同朋友仲叫咗個黑松露薯條，幾脆啊，而個醬都好夠黑松露味，而且都算比得多醬我地點不錯不錯餐飲正常！而個杯都幾靚，有文青feel 個餐包埋甜品，個人覺得硬咗d 可以「嘆」一「嘆」再拎比我地食就會更好啦！總括呢間性價比高！值得推一推

Cafe Paradise位於旺中帶靜的太子，由太子地鐵站D出口行過去唔駛一分鐘，地點非常方便。店舖設計簡約時尚得來帶點童真，收銀位置和枱椅上放上毛公仔，給人好relax的感覺。煙三文魚黑松露海蝦天使麵煙三文魚好香好滑，不會過鹹。海蝦彈牙可口。天使麵做得相當出色，軟硬適中，條理分明，配上份量大方的黑松露醬，每條天使麵均能掛上香濃的黑松露汁，推介。卡邦尼意粉煙肉味香濃，配上濃郁的忌廉及芝士卡邦尼醬汁，入口香濃滑溜。意粉亦同樣出息，軟硬適中，條理分明，有水準。瑞士雞翼瑞士汁味道有層次，雞翼好大隻，每隻都非常飽滿，入味之餘，亦又爽又滑，賣相亦好好。

今晚和朋友來吃晚餐，這間餐廳在太子站D出口出，行一分鐘就到，非常方便。環境裝修不錯，幾靚。餐牌選擇都算多，可跟餐也可散叫，散叫也可加錢轉做套餐。我和朋友點了一個天使麵和意大利飯，大家一起分著吃。首先來的是煙三文魚黑松露海蝦天使麵。貌相很精緻漂亮，黑松露味很香濃，天使麵很幼滑，海蝦和三文魚都是咸咸的幾好味。天使麵份量雖然不多，但味道不錯，而且不覺得溜，很不錯。然後來的則是香辣鮮蝦意大利飯。個汁有點辣，很惹味，不過意大利飯煮得有少少硬。這意大利飯的鮮蝦除了有普通的蝦之外，還有炸蝦。炸蝦炸得幾脆幾香口，挺好吃，不錯。埋單合共$177元，價錢合理。總的來說，環境ok,價錢合理，食物質素不錯，服務態度幾好，值得一去。