炯記餐室 (美麗閣)

Open Now

Now Closed

開關之後, 朋友二人由英返港, 問佢哋想食乜.佢話: 我有三年無食過燒味啦!! 英國唔係無,不過貴都未必好食囉. 最後, 近近哋帶咗佢哋落炯記.<<煙燻燒鵝飯>>皮脆有光澤, 份量OK. 入口肉嫩入味, 食得到名符其實嘅煙燻味!<<脆皮燒腩仔撈麵>>燒腩仔同撈麵分開上枱.撈麵賣相靚仔, 油光滿麵, 有鵝油香味, 麵質彈牙.燒腩仔份量足有一個例.皮脆口, 入口卜卜聲. <<冬菇豬手撈麵>>豬手夠腍味濃, 滿滿膠質口感! 佢哋唔夠喉, 要叫多兩隻食. <鹽焗手撕雞腸粉>>香港街頭FUSION菜, 原來都幾夾.份量都幾大碟, 腸粉淋上甜醬及麻醬, 伴以芝麻.手撕雞有鹹香, 雞絲帶皮伴芝麻.

唔知你地有無發現一樣野就，係斬燒味既師傅佢地係有一種氣埸，呢種氣埸唔係因為佢地拎住把刀，而係佢地一對炯炯有神既雙眼，聽住佢斬燒肉果種索索聲，佢地所付出既汗水，我就知道，我要好好咁尊重呢份燒味。👇📌人 氣 招 牌 -▪️ 海 蜇 手 撕 雞 飯 - $58▫️ 先黎一個「海蜇手撕雞飯」，可以揀辣同唔辣，我朋友就麻麻地辣，就揀左唔辣啦，但佢唔辣得黎，海蜇爽口有咬感，整個口感係非常豐富，手撕雞個口感非常嫩滑，送飯認真一流。▪️ 煙 燻 燒 鵝 飯 - $60 ▫️ 另一道必試「煙燻燒鵝飯」份量非常多，一黎到已經聞到煙燻香，坦白講我覺得同其他燒味店係有d唔同，食落油香十足，肉亦夠嫩，完全唔老，加埋個飯落左自家製醬汁，係超級好食。▪️ 炯 記 三 皇 盤 - $58 ▫️ 再試埋呢個「炯記三皇盤」，一次過食勻無骨雞爪、雲耳、雞腎，雞爪去哂骨，口感非常爽彈；雲耳醃得岩岩好，酸酸甜甜，好食；雞腎一定要讚，香脆鮮美，呢個一定要試！

同朋友收工後響新都城買完嘢, 攰攰哋.到咗食飯時間, 沿電車路揾飯食.見到有人等外賣, 望入去有位就入坐.一坐低, 兩杯水兩碗湯就到.例湯味精味唔重, 仲食到飲到紅蘿蔔,粟米同涼瓜. 食燒味當然要叫叉燒啦!!叉燒+燒腩仔今次叉燒部位偏瘦, 好彩一D都唔柴.燒腩仔皮脆肉嫰.太子鵝油撈麵傳統粗麵, 有淡淡嘅鵝味.有光澤, 夠Q彈.煙燻燒鵝飯燒鵝皮脆香,  聞到又食到炭燒味!! 鵝肉肥瘦均勻, 唔點酸梅醬都好好食.  高質!! 冬菇豬手豬手入味又夠Q軟.海蜇拼鹽焗手撕雞海蜇夠味夠辣.雞肉嫩滑,帶有濃郁麻油同芝麻香.飲品加$5, 特飲加$8.埋單兩百仲有找!!