Burgerman (欽州街) (Closed)

好耐之前都已經食過一次呢間即叫即做嘅Burger，今日經過又心思思想食吓。首先我覺得驚喜嘅就係呢間漢堡包店個價錢好似冇咩大改變，真係好抵讚！而款式就同以前差不多，牛、雞、魚、甚至素漢堡都有，所以無論係「酒肉朋友」定係「走肉朋友」都一定啱食！呢個招牌至尊漢堡份量真係無得輸，另外加$20就可以配埋薯格同跟一罐汽水。睇呢個橫切面就知佢嘅份量幾咁驚人，burger高度同闊度係一樣，入面有煎蛋、兩塊厚厚嘅漢堡扒、仲有蕃茄、生菜、芝士同埋洋蔥，真係要嚟個大胃王召集先得！另外仲叫咗一個雞肉漢堡，呢個份量就適合女士食。入面有一大塊雞扒，再加蕃茄、生菜、芝士、同埋好惹味嘅水牛城醬汁，滋味無窮！只係叫burger梗係滿足唔到我啦，所以點都要叫返個小食，呢個煙燻雞翼都非常惹味，雞肉仲好juicy 隔咗幾年再嚟食佢嘅burger，仍然保持水準，有機會一定會再嚟幫襯！

今日去黃金買嘢，朋友話呢頭有間抵食又好味嘅漢堡，平時都少嚟呢邊，難得嚟到，緊係要試一試間鋪嘅鋪頭唔大，可以外賣可以堂依，堂食大概得8個位叫咗個至尊漢堡，好大份，有蛋有煙肉，加埋菜同牛肉，食落去口感一流，不過要好大個口先可以一次食曬咁多種料。女仔食可能會麻煩d😂另外加咗廿蚊配埋個薯條同嘢飲，食漢堡緊係要配薯條可樂啦🤪朋友叫咗和牛漢堡，牛味好濃，配埋個醬，好好味。呢個漢堡份量相對至尊漢堡比較細，如果男仔食呢個可能會唔夠飽雞翼就正正常常，未有好出色，不過不失。唔想淨食漢堡咁dry可以一試

我仲記得我第一日嚟深水埗返工嘅時候，大媽就帶我嚟食burgerman，為咗慶祝(紀念)我返工一週年😪，所以呢日lunch喺到食😂。店舖勁近我office✌🏻，本身想買外賣，但見都有位，所以堂食熱辣辣吧😋。漢堡包選擇都唔少，有十多款揀，可以加$20配餐(有薯條🍟、薯格同沙律🥗揀+罐裝汽水)。另外仲有意粉賣添。我哋要咗A.至尊漢堡🍔($88)，實物比起圖片更加震撼，有勁多層勁足料，目測有15cm間尺📏咁高，我就唔信有人個口咁大可以一啖食到哂咁多層！兩層包夾住兩塊芝士漢堡扒、二片煙肉、一隻煎蛋、一堆磨菇同炒洋蔥，再加蕃茄🍅同生菜🥬。好彩有手套提供，可以放肆咁食，雖然都有啲論盡哈，漢堡扒真係食得出肉味，加上有磨菇同洋蔥好夾好香。另一個包包就叫咗特別menu上的日式豚肉漢堡🐷($65)，塊半溶芝士🧀勁吸引，配上一塊香煎厚豬扒，下面有啲菜苗。食落有啲似澳門豬扒包，但呢個非常juicy，而且夾埋食令到啲菜苗無咩草青味，平日我勁憎食。我可以一啖食哂咁多層，因為呢個無咁高，我更加鍾意食呢個包😛。2個包都有跟餐，一份要咗🥔薯格，另一份要咗🥗田園沙律，兩樣份量都好多！薯格好脆好好食，而且相對地唔係咁多地方有