LIFETASTIC Patisserie (The ONE)

Open Now

Now Closed

草莓西瓜蛋糕係舖頭嘅招牌蛋糕，一直都只正方形同長方形，而家推出咗心形，買嚟比媽媽同情人就啱晒！意式風光 ($58)一直都想試，嚟過幾次都話無，今次終於都食到啦！口感滑溜，芝士味濃。加咗咸咸哋煙煙韌韌嘅糯米，口感好特別。熱帶陽光 ($68）大大塊菠蘿乾好似太陽花咁，賣相吸睛。忌廉芝士味道濃郁，入面仲有啲菠蘿粒，但係蛋糕比較乾身同厚，食落有啲渴，口感麻麻。草莓西瓜蛋糕 ($68)蛋糕層次分明，入口好香玫瑰味，西瓜鮮甜多汁，整體唔會好甜，味道好清新。

已一段時期沒來了，原來已推出了很多不同口味的蛋糕，而且還新增了pudding in a jar系列，十分吸引。看到我最愛的tiramisu和榴槤口味，滿心期待和歡喜，可是暫停供應，十分失望。草莓西瓜蛋糕 ($68)招牌蛋糕，賣相精緻，叫人一吃傾心 。西瓜鮮甜多汁、玫瑰忌廉味道清新怡人，而不死甜。一口咬下去，口感味道層次豐富，味蕾完全被俘虜，令人愛不釋口。熱帶陽光 ($68）賣相吸引，大大塊的菠蘿乾像花一樣嬌美。忌廉芝士味道香濃而軟滑，內裡還有菠蘿粒，味道不錯。可是糯米餅底略嫌乾了點和不夠軟熟，如果可以再薄一點會更加好。

今日同朋友慶祝生日，兩個人選擇左黎依度一齊食返係澳洲食過既士多啤梨西瓜蛋糕。店舖係尖沙咀既The One四樓，環境幾靚。我地一黎到就有位，唔算好多人，但睇個雪櫃就知好多人訂左蛋糕!但我地就無訂到既 😝 因為計翻散叫仲平過買一個大既 🤨🤔 所以我地叫左個 $298 Cake set，可以揀四款蛋糕同兩杯野飲。我地叫左兩件招牌西瓜士多啤梨蛋糕，另外一件熱帶陽光同埋春日微風。好多人一聽到西瓜蛋糕， 都以為一定會濕笠笠 。 但其實成個蛋糕都冇海綿蛋糕㗎! 蛋糕同喺澳洲食到嘅都好似，西瓜清甜，層層分明，而且港版餅底嘅杏仁味同埋成個蛋糕既花香味比較出，可惜因為士多啤梨唔啱季節 有啲酸，但都依然好好食呢! 另外叫左既兩款都好有驚喜，我個人比較推介 春日微風， 即係紅莓開心果蛋糕， 開心果濃得黎有啲酸甜中和下，Perfect! 最後食到 熱帶陽光，已經好飽，佢竟然係菠蘿cheesecake 😂😂😂 勁飽。 雖然係咁， 都覺得呢個cake好有誠意， 因為真係有新鮮菠蘿架! 飲品我叫咗creme brulee咖啡，普普通通甘啦🤪