Catee (Closed)

今曰主子話帶我去間remantic 既西餐廳，附近近西鐵站既荃灣公園，十分方便。裡面環境真糸好有情調，頭盤沙律，好特別，沙律是南道豆配合多款沙律菜，出面未試過，咁個健康！餐湯系周打漁湯，超級多料，質地順滑稠身，調味得宜，正，我系羊扒控，所以叫有個烤紐西蘭羊架伴薄荷乳酪，五成熟，上菜已經比個羊架吸引住，仲要問到陣陣牛油味，羊架有成三件甘多，份量大，羊架控制得好，真的五成，肉質吾乾有汁，食到羊扒味，配薯蓉，薯蓉好軟綿綿，唔會好膩口，正，個配菜，值得一讚，串串蕃茄烤到表面脆，裡面勁多汁，非常甜美，另一個，叫左烤西班牙黑毛豬伴芥末籽醬及燒汁，西班牙黑毛豬吾算大，但肉身系厚切，煮得剛好，吾會太韌太老身，容易切開，有肉汁，有咬口，值得一讚，豬冇任何羶味，呢個價錢算係平民化質素尚高質，仲叫咗個小食拼盤，包括有四隻雞翼、炸洋蔥圈四件、炸金文畢溶芝士兩件、炸薯條，份量相當豐富，而且全部都係新鮮炸起，食唔到油益味，一定要不得不提特別係雞翼炸到皮好脆、肉質保持有汁，而且非常嫰滑，雞翼又夠大隻，味道調校得非常好，唔鹹唔淡，仲有配合他他沙律醬，酸酸甜甜非常開胃：非常好食！餐飲點左個熱朱古力，一定要黎飲，朱古力非

從前嘅荃灣算係一個老區，俾人感覺好似草根啲，所以唔係好多西餐廳，最有名可以据個扒嘅地方算係莎樂美吧。近年隨住好多大型、貴價屋苑落成，都有唔少有格調而又有水準嘅西餐廳開業，更有啊少係小店形式。週二收工後黎到楊屋道嘅呢間西餐廳食飯，平日晚上都有七成入座，可見都有番咁上下水準。餐廳位置啊算好多，呈L字型，有梳化位、吧枱。裝潢方面同一般西餐廳差不多，不過見到牆上都掛左唔少有貓貓嘅相片，燈光偏暗（拍出黎嘅照片唔太好看）餐牌供應西餐，有沙律、湯、前菜、意粉、意大利飯、扒類、魚、羊架、小食、甜品等，定價合理，一律單點，加$50可升級為套餐，會包括沙律、湯、飲品、甜品，人均二百蚊左右。另外比較特別係供應一款以「魚」為主題嘅二人餐，由湯、沙律到主菜、小食都有魚嘅元素，定價$418/2位。如果鐘意飲酒傾下計嘅，8pm前可享有酒類買一送一嘅優惠，幾十蚊就有一杯沙律麵包共有四款，配上黑醋，上枱嘅時候微溫，建議盡快食，否則放涼會慢慢變硬，冇咁好食。餐湯餐湯有忌廉、粟米、薯仔等配料，質地稠身，熱辣辣端上，感覺都幾足料。調味得宜，而且因為有多種配料，所以口感都會好豐富蒜香鮮蝦意大利麵 $128 (+$50升級套餐)

荃灣係我印象中依舊係一個舊區，即使有好多大商場，但依然好有人情味！今日黎度荃灣西，經過一間名為catee既西餐廳，見到好多貓貓設計。但怕貓既我同朋友立即say no但原來入面無真貓，睇到menu又幾吸引，趁未到晚餐時段就快啲入去先。入座時大約6:30pm, 一入到去已經比店內設計深深吸引住，復古既裝修，昏暗的燈光。重有好多貓貓既掛畫。炎炎夏日，一坐底飲返杯冰凍既檸檬水先，不得不講句題外話！水杯也未免太靚了吧好想拎返屋企，影黎一定好呃like....!!!點餐時間～～～其實menu有好多頁，款式好多。無論係由沙律，前菜，湯品，小食，主食，甜品每一頁都足以令你眼花撩亂！所以今日餓左全日，就係為左黎試多幾款菜式Banana Milk Shake 香蕉奶昔($15)你無睇錯，跟餐特飲都只係$15。香濃既香蕉味，但口感都係偏稀，易飲。而且唔似有加糖水，好天然既水果味。Hot Chocolate 熱朱古力(Free)呢杯重誇張，肥仔特飲。一大坨cream，一層朱古力粉重有2枝百力枝。岩哂小朋友，大朋友都得既。濃厚朱古力，偏甜。上凍下熱，一杯真係話甘快就飲哂餐包 唔係熱既，硬硬的。一籃4件，有合桃，