帕維亞意大利餐廳

Open Now

Now Closed

九龍城最岀名應該係佢嘅泰國菜同潮州菜，兩樣我都好鍾意食，不過九龍城將會大規模重建，咁就趁佢重建之前試多幾間餐廳，今日呢一站就係呢間叫Pavia嘅意大利餐廳。唔知食咩好問咗職員有咩推薦，佢介紹我哋每人叫個Set Lunch，套餐包餐湯或沙律同埋一份主菜，咁我哋叫咗一人一份套餐，另外再加多份意大利雲呑。餐湯同沙律我哋一人要咗一樣，沙律係蜜桃鴨胸沙律，沙律同醬汁分開上，個醋汁酸酸哋食落相當開胃。餐湯係薑汁甘荀湯，我咁大個人未飲過薑汁湯，味道又岀奇地夾。另外前菜會跟埋四片蒜蓉包，冇乜咩特別不過勝在夠熱。成餐最貴嘅就係呢碟雲呑，仲貴過主菜，個雲呑比較特別之處係佢隻餡，一般意大利雲呑都會用肉類或者蔬菜加芝士做餡，餐廳用咗帶子同菇做餡，而且都相當足料，醬汁亦都非常香濃，唯一缺點就係真係有啲貴。主菜叫咗西冷扒同豬扒，兩款嘅配菜一樣，牛肉跟黑椒汁豬扒跟醋汁，兩款肉都唔會好硬，雖然我平時鍾意食牛扒多啲不過今次我會投豬扒一票，佢隻醋汁唔係成日見到，我覺得同豬扒非常夾。可以加錢要埋個甜品不過太飽冇叫到，總結而言水準都幾好，如果經過九龍城又唔想食泰國潮州菜可以考慮一下呢間。

冇諗過九龍城都有咁舒服、又好食嘅意大利餐廳！見到呢間Pavia係Openrice有好多好評，今次預約到黎試下喇！餐廳唔會太難搵，係出面已經感受到係一間安靜舒服嘅餐廳🍴廚師推介嘅餐牌，應該係成日都會轉嘅！叫咗一個Set dinner，另外叫咗一個廚師推介嘅白酒煮青口，二人分享😋餐包好快就熱辣辣送到，其中一款仲係蒜蓉包，兩隻包都好香好好吃😋下一樣上嘅菜就係呢樣白酒煮青口，果然用咗不少時間準備，白酒非常入味，再加上嘅青口夠晒新鮮，咁大碟非常扺嗌，推介！之後就係餐湯，入面有不少海鮮，啖啖肉！龍蝦味亦好重，夠晒認真製作，足料！到咗主菜西冷扒，叫左五成熟，火喉控制得啱岩好，肉非常以柔軟，肉汁夠，個汁同薯泥都非常夾，而且個扒好大份啊。食咗個幾鐘已經飽到幾乎捧住個肚，最後呢個甜品為我哋嘅晚餐劃上完美嘅句號。呢個係紅莓蛋糕，本身都怕會食唔落，但呢個酸酸甜甜嘅蛋糕黎得恰到好處，又有甜野入口，又一啲都唔滯，再加上草莓、藍莓，健康又好味。我同友人都好享受今次嘅晚餐，安靜又舒服，可以好好傾計，而且每碟菜都需時準備，可以慢慢食享受。店員亦不時關心我哋對食物嘅意見，好有禮貌。總括呢間九龍城嘅餐廳非常有值得一試！

去九龍城食西餐都係第一次呢😆一坐底當然睇下有咩食有個情人節menu 好似都唔錯不過今日係同3個朋友食 唔係同情人食 都係叫返2個4-course set dinner 再散叫其他野食啦😆-▫️4-course (appetizer+ soup+ main course+ dessert) $398落完單之後首先送上餐包 有蒜蓉包同白芝麻餐包 餐包微暖 幾好食-▫️appetizer - 黑松露牛肝菌炒田螺田螺加上牛肝菌同黑松露醬 好香好夾 旁邊既薯蓉亦好滑-▫️appetizer - 意大利巴馬火腿配蜜瓜巴馬火腿同蜜瓜從來都係Perfect match 而依到既ham咸度岩岩好 蜜瓜亦好甜-▫️soup - 蟹肉磨菇忌廉湯好濃菇味 加上忌廉變得更creamy-▫️main course - 香煎美國銀鱈魚銀鱈魚好嫩滑‼️魚皮好香脆‼️-▫️main course - 燒美國頂級西冷扒一上菜超香呢 塊西冷扒都幾大塊熟度揀左medium 岩岩好 唔會覺得乾有咬口 而且脂肪平均 肉味濃郁🐮配菜薯角炸得好香脆 正呀💕 -▫️精選薄餅 Pavia special pizza (small) $128全部都係我勁鍾

講到九龍城，相信大部分人都係即時諗起泰國菜了吧，呢間西餐廳係朋友推薦的，網上評語都不錯，同男朋友收工之後過黎食晚飯。本來因為地點關係，確實心裡面都唔敢期望太高，估唔到相當有驚喜，都算係最近食過比較質素高嘅西餐呢，由湯到主菜到甜品，每一樣都滿意餐廳位置唔多，裝潢比較似係啲舊式西餐廳，感覺頗高級，播住輕柔嘅音樂，入座時只有一對情侶，後來到左8點零鐘，都愈黎愈多人，全部都係一雙一對，如果有心食不妨先行預約位置，以免撲空。全店只有兩位店員，但完全唔需要擔心招呼、服務，因為佢地都好細心餐牌方面供應薄餅、意粉、意大利飯、扒類、燒春雞、羊架、三文魚柳、湯、包、沙律等，定價合理，不過就一律單點。如果想食套餐，比較完整的話，可以選3道菜/4道菜的晚餐，包括：頭盤/湯/主菜/甜品、飲品，定價$358/$398。我地各自點左一份三道菜晚餐，非常豐富同滿足。餐包由餐包開始已經感覺到餐廳嘅質素，麵包入口鬆較，微溫，足以融化牛油，蒜蓉包香脆，簡單美味龍蝦濃湯龍蝦湯係飲過當中比較出色的，相當足料，有誠意，夠熱辣辣，裡面有魷魚圈、魚肉、鮮蝦、帶子粒，製作認真，非常新鮮，入口有濃郁嘅龍蝦、蝦味，而且完全唔鹹，單靠食材做