燒味滷師 (安發大廈)

Open Now

Now Closed

今晚做冬食飯，經過長沙灣見到呢間燒味店有成二十幾人排隊，見到d燒味幾靚，就諗住斬d料返屋企加餸，於是即刻打電話返屋企叫阿媽唔使咁辛苦煮咁多餸😎燒味有塊玻璃隔住，唔怕街D塵飛入去，收錢、斬料同 pack 盒分開不同既人處理，感覺衛生好多雖然好多人排隊，但成個過程都好快，等了一陣便拿到外賣單雙拼飯盒22元，真係好抵燒肉皮好脆，肥瘦肉比例剛好叉燒味道都唔錯買左燒鵝 (下庄），燒鵝好食，唔會有好多肥膏，啖啖肉😋鹽焗雞（$68一隻）真係好抵食，超大盒，仲斬埋雞，下次必定再 encore總括而言，呢間燒味平、靚、正，難怪吸引到咁多街坊來幫襯，香港美食之一，絕對有燒味的一席之地

今日喺長沙灣經過見到呢間舖頭好多人幫襯，上網又見到好多人推介以下4款食物，所以就走咗入去買黎加餸！（其實係懶得煮飯🤣🤣）燒鵝：啲皮好脆，肉又鞋口嘅，佢會將啲燒鵝嘅汁分開上，咁拎到返屋企啲皮都唔會俾佢浸到林晒 - 👍叉燒：我自己鍾意食啲瘦叉燒所以我就叫咗師傅比啲瘦叉我，冇咁肥膩，啲蜜汁都幾香！燒腩仔：外皮香脆，肥瘦比例岩岩好，唔會好似食咗成層肥糕咁！ 反屋企層皮都仲脆卜卜架 鹽焗雞：雖然係鹽焗雞，我覺得佢又唔會話太鹹，啲雞肉都算嫩滑⋯⋯每樣都買左少少 🤣其實佢仲有一個櫃呢我見到有海蜇燻蹄丫，泰式鳳爪丫 ，但係好似已經買得太多所以就放棄咗，下次一定要試埋

阿媽話要拜神，叫我幫佢買燒肉返嚟，同事話近元州邨嗰頭最近開咗一間燒味店，主廚仲曾經喺酒店度做過大廚，新開張有好多優惠，所以我放工就長征咗1.2公里，去到位於長發街嘅呢間燒味滷師。話晒都係新開咗冇幾耐，所以都人頭湧湧，好彩佢都有足夠人手，所以唔需要等好耐就攞到手。新張期間真係有好多優惠，單拼/雙拼燒味飯盒只需要$22，貴妃雞/豉油雞/鹽焗雞仲只需要$48添，真係唔買都對唔住自己呀！除咗燒味，亦有售其他冷盤。叉燒$98/斤，我就買咗半斤，叉燒顏色已經好靚，而且我就好鍾意佢瘦得來一啲都冇柴皮嘅感覺，真係又瘦又淋。燒鵝上庄$110，上庄最正就係啖啖肉，燒鵝皮燒得香脆，正！鹽焗雞$48/隻，真係仲平過去買隻冰鮮雞自己煮，肉質鮮嫩，分量十足，阿媽拜神啱晒！燒肉$98/斤，攞到返屋企燒肉嘅皮仍然係咁香脆，肥瘦適中，真係好抵食！阿媽品完神之後，就輪到我哋開餐啦，呢個燒味之夜真係冇得輸呀！

今日約左返娘家食飯，媽咪話叫我上黎前斬料😅 本來諗著返到蘇屋商場是但買舊叉燒，但長沙灣C出口出黎行幾分鐘見到呢間「勁多」人排隊既燒臘鋪，相信係新開張🤪 門口大大隻寫著新開張優惠🐔🐔 咁平 無奶油唔幫襯吧🙈🙈🙈 .排隊排左15分鐘😭咁一於一次買多d 等媽咪煮少個餸😄 新開張有雞同燒鵝都有優惠，價錢都幾抵食。.▪️客家鹽焗雞$25（半隻）價錢好平得黎諗著無乜期望，點知又幾好食 ，鹽焗雞整得又幾正宗，似晒以前屋企人買既客家雞，夠清嫩爽滑，而鹽焗的咸辛香味好濃郁👍🏻👍🏻.▪️至尊燒鵝$180（半隻）燒鵝$180半隻真係好抵，食落仲油光可鑑、皮質酥脆👍🏻 以前買燒鵝成日好怕俾人呃，但呢隻燒鵝都幾足料，厚肉又皮脆肉嫩，但好似份量太多😅要留返下餐再食（下次買1/4隻夠晒🙈）.▪️燒味佬叉燒$30本來諗著咁多野唔買叉燒，但見到前面d人都搭埋叉燒買😢又是但買$30蚊半肥瘦 ，叉燒油亮紅潤，唔會乾乾柴柴，肥瘦均勻，蜜汁味好重👍🏻 .▪️燒肉（$98斤）$64燒肉皮脆得黎肉唔乾，價錢okok ，但拎到返屋企有點淋左，下次要係個盒整個大洞通下風先得🤣.價錢合理得黎燒味質素👍🏻，住附近既不妨一試🥰😍