一本‧串里 (Closed)

荃灣平民價日式餐廳🇯🇵價錢超親民，選擇款式多，串燒、壽司、手卷、丼飯、定食、揚物、刺身…應有盡有😮👍🏻質素唔差，性價比高😍🌊木板海膽（原板）$88海膽原板上😍色澤唔錯橙橙黃黃，味道甘甜，入口即溶，口感嫰滑帶點黏稠，值得一試🦪時令生蠔（隻）$15價錢親民，食落尚算鮮甜新鮮，入口滑嫰柔軟🦐珍寶赤蝦刺生 （隻）$12成隻手掌咁長，咬落淡淡蝦肉， 微彈牙之餘又細綿爽口，而且唔腥又夠鮮甜，質素不俗🍣特長燒鰻魚壽司（件）$30鰻魚超長而且燒得好靚，表面燒至微焦，魚皮口感帶點煙韌，肉質柔軟，咸甜而鮮味🍆燒茄子 $52面頭鋪滿木魚片配醬汁，加上少許蔥花，非常有日式既風味，茄子腍得黎又清甜，令人食唔停口🐓明太子雞翼（2隻）$48外脆內熱，滿滿明太子餡，咸香又好味，另外仲配埋粟米薯仔沙律，有脆脆、蕃茄、沙律菜做配料，清新好味🍛三文魚炒飯 $76份量好足，面頭舖上木魚絲，炒飯配料有三文魚、蔥、蛋、甘筍，飯粒炒至金黃分明，偏乾身，仲配埋麵豉湯，飽肚又滿足💰需加一服務費🥰環境都佈置得滿有心思❤️有櫻花🌸有富士山既門簾布🗻仲有日系既燈✨✨而且座位舒適😻

這間位於荃灣的日本餐廳，主打一系列日式料理及串燒，提供多款酒精飲品，店內裝修有著櫻花及鳥居等，充滿居酒屋特色。食物方面非常多元化，包括：揚物、定食、日式炒飯麵、拉麵、燒物、一品料理、串燒、壽司及刺身，時令刺身每天空運到港，加上即叫即製非常新鮮，價錢親民划算，性價比超高。木板海膽(原板) - $88原板一共六行的海膽色澤橙黃，每瓣有著豐腴的甘甜，入口嫩滑略帶黏稠。時令生蠔 - $15/隻肥美飽滿的生蠔海水味較淡，味道清甜，沒有金屬腥味。珍寶赤蝦刺身 - $12/隻色澤艷麗的特大赤蝦爽口有彈性，鮮甜無比。特長燒鰻魚壽司 - $30/件超長的蒲燒鰻魚，塗滿鹹中帶甜的蒲燒醬汁，酥脆的表皮有著軟滑鮮嫩的魚肉好濃香。蒜蓉燒帆立貝 - $48帆立貝紮實肥厚，貝肉鮮甜滑嫩又多汁，貝唇爽脆，月牙軟糯，好有層次。汁燒牛舌心 - $38一片片厚切牛舌心軟腍爽口，富濃郁牛香。鹽燒黑豚腩 - $22肥瘦相間的黑豚腩肉，肉汁香甜四溢。雞軟骨串 - $16爽脆有嚼勁好有口感。燒茄子 - $52鮮甜的茄子質感軟嫩，有淡淡的日式醬汁及木魚絲等很清新。

本身諗住去海壩街睇下有咩岩食，發現串里轉營，多加不少日式料理。見到大大張【一本推介】poster，俾佢地特價既價錢吸引左，就入左去try try。餐廳環境都改左少少，由暗黑型格轉做和風日系，座位數量多！ - 一本推介 -一本推介入面大多數都系做緊特價，海膽、生蠔、刺身，水母刺身提供，本身仲想嗌生蠔🦪、水母刺身，點知太受歡迎咁賣晒😩！好彩我地嗌到最後一板【原板木板海膽 $88😝】【珍寶赤蝦刺身🦐 $12/隻】【特長鰻魚壽司 $30/件】。海膽冇澀味好鮮甜，赤蝦好爽口彈牙，最值得提既係超大條超厚肉既鰻魚，非常有口感。 - 燒物、炒飯 -基本上必叫燒物都一定系【汁燒牛舌心 $38/串】夠晒juicy又唔韌【汁燒翠肉瓜 $16/串】就清甜得黎爆晒汁【燒茄子 $52/串】口感爽口，味道偏向日式和風多d。最後見【鵝肝肥牛炒飯 $122】好邪惡就嗌埋，味道香口，鵝肝粒好飽滿，食起上黎有口感之餘都唔油膩。