彩虹小食串燒專門店 (Moved) New Location

喺大埔都開咗唔少串燒店，而呢一間其實都開咗好耐，我都係第一次食呢一間串燒店，好彩我哋早啲去，坐咗一陣出面已經有人排隊😂一坐低我哋先嗌一個馳名嘅彩虹椒鹽鮑魚同埋大花甲😍大大隻鮑魚😋外面有一層香脆嘅外皮，食落去就好似食緊鮑魚天婦羅🍤而大花甲每一粒都大大粒，非常之肥美🤤喺order串燒時記得問佢哋可唔可以辣椒分上，因為我今次係叫做小辣，所以佢直接就喺串燒上加咗，但都發現佢哋嘅小辣係非常之辣🌶🥵我哋仲叫咗金菇肥牛卷，佢哋嘅冬菇肥牛卷都燒得好Juice，唔會太乾身😽而且好入味佢哋嘅小茄子都唔錯㗎，可意食到淡淡都係肉又唔會太乾👍🏻不過今次冇叫辣，因為經歷過串燒嘅小辣，我相信我一定食唔到茄子小辣🤧最後一定要極力推薦雞泡魚乾，外層係甜甜嘅一層醬汁🤤食落去甜甜地口感都比較香口，都唔會太硬太乾👍🏻呢一個小菜一定要配啤酒，所以我就叫咗杯手工竹蔗茅根味道嘅啤酒🍺🍻呢款啤酒缺乏左竹蔗茅根嘅味道😂可能係啤酒嘅味道太濃，掩蓋左竹蔗茅根嘅味道🤔🤔食完所有串燒之後我仲叫咗兩碗糖水，一碗係椰汁咋喳，另一碗係芝麻糊🫶🏻椰汁咋喳真係落重料用心製作，淡淡都可以食豆；而芝麻糊，有香濃嘅芝麻味，重點係貨真價實又唔會太稀太多水👍🏻⭐️

今晚朋友揀呢間食晚飯，老老實實行過好多次但未幫襯過 😜訂咗 7 點但大家都遲到，好彩佢哋都留返張檯比我哋，另外我哋有朋友攞咗 5 大袋嘢比我哋都好 ar 位，佢哋地方唔算大，仲頭痕緊放喺邊，佢哋話預咗張梳化位比我哋，可以塞晒啲嘢喺檯底同座位，舒舒服服咁食好西 ✌總括嚟講海鮮係好新鮮又唔會燒得太老，瀬尿蝦好大隻，蟹粥就有啲稀，反而肉骨茶有啲驚喜，好夠味 👍👍，但茄子就辣咗啲，菠蘿好甜 😍是晚甜品冰火魔法義賣，我哋梗係支持吓啦，底應該係一片飽，中間嗰層係棉花糖，面層炸雪糕，夾埋一齊食都可以，係棉花糖有啲過甜啫 🤭下次再嚟 encore 肉骨茶先 🤣

第一次發現呢間舖頭既時候其實已經係凌晨2點左右既時間剛剛飲完酒打算去食個宵夜之際 途經呢間小食店眼見門口既菜牌 而且有種好惹味既感覺所以就同朋友坐低試下喇直到現時為止 總共黎過3次每次都一定會食椒鹽雞軟骨 呢個純粹係個人喜好 椒鹽味差D本人唔係太喜歡韮菜既味道 不過燒韮菜既醬料的確係值得一試!!牛舌亦係值得推介 口感既軟 而且有肉汁 聽老闆娘講係做左好多功夫先可以做到架最令人驚喜既係沙律一丁 有沙律汁做底多上生菜蕃茄等材料配冷公仔麵 意想不到既美味另外,胡星牛肉及燒賣亦係其推介之一不時又會有特別既食材,例如:燒蠔,燒螺