22 Branch Oyster Bar & Restaurant (Closed)

將軍澳南係比較新既豪宅區🏡雖然商場人流唔多, 但有間專食蠔既隱世西餐廳都唔錯😯🍽️Daily Fresh Oyster🦪 ($268 半打)當日既是日精選係法國生蠔🦪每一隻都好厚肉好飽滿, 有天然既海水鹹味🌊配洋蔥汁或者酸辣汁都好好味😋🍽️經典新鮮藍青口配白酒忌廉汁 ($178 0.5kg)0.5kg都有好多隻😯😯 上碟既時候嚇親😂醬汁好香濃, 白酒味都重, 但唔好會膩😝旁邊仲有幾塊烘麵包, 蘸汁食好正😉🍽️ 5小時慢煮美國優質威靈頓牛柳 ($428 2件)雖然得2塊, 但都幾大塊😌 酥皮夠脆, 燒汁醬汁都唔錯, 牛肉既熟度亦岩岩好伴碟既燒蒜同忌廉菠菜都好香, 都唔錯既~只係略嫌威靈頓牛柳既牛味唔太重🙈🍽️燒西班牙脆皮乳豬南瓜意大利飯 ($248)乳豬飯好似係出名既, 所以點左😯意大利飯係真係整得唔錯既, 夠creamy, 略嫌飯粒有d硬而乳豬個皮真係好脆, 不過有d過肥而且仲好大浸豬腥味🙈🙈 搞到食唔曬個飯🙈🙈環境闊落, 氣氛幾好, 野食都唔錯, 適合家庭/朋友聚會, 或者節日慶祝🎉海天晉而個商場人流真係唔多, 下次如果想去d靜d既地方,可以試下過來而個商場, 都有唔少選擇架😉評分: ⭐️⭐️⭐️

之前一想食好嘢，一定唔會諗起將軍澳，但陸續有啲商場落成，大東北竟然多咗好多令人意外嘅好西尤其是呢間蠔吧，冇嘢唔好食咁邊個諗到將軍澳都可以食靚蠔？大胃嚟個大滿足，嗌盤8件裝，每款兩樣，分別有日本兵庫縣冰姬蠔、日本宮城青花瓷、法國聖馬天尼同西班牙銀堡壘唔知係咪大西洋同太平洋海水好唔同，食落日本同歐洲有好大分別，日本清甜，法國同西班牙海水味較深，偏濃味每種蠔嘅style非常鮮明，入門都不是嘅大胃，亦可以食得出除咗生蠔，熟食都係非常出色。乳豬南瓜risotto，每一部份都好有味道，就連豆角都好好味。乳豬層次分明但充滿油香，南瓜飯硬度恰到好處，煮得入味。加上有啲楓糖胡椒醬，配合得好有驚喜Pizza都係無可挑剔，大胃比較唔食得辣，但佢好味到足以令我肯忍辣食晒佢。餅底厚度啱啱好，餡料多而不膩，不愧係招牌，拆唔落嚟食蠔當然要飲吓酒，大胃要咗杯sangria，既然有白酒版，就啱晒，透明嘅sangria好啱大胃呢種大細路飲胃民就飲Mojito，清新醒神，唔會水到冇晒味，相當不錯

偶然經過海天晉匯，覺得呢間餐廳好似幾吸引，所以決定同男友入去試下。當日本身打8號波，夜晚冇乜人出街食飯，餐廳冇乜客人，接近包場咁濟，加上餐廳環境寬敞，所以當晚坐得好舒服，環境又寧靜門口凍櫃擺左咁多生蠔，當然要試一試，叫左Daily fresh oyster half dozen，生蠔好新鮮，有淡淡既海水味，唔算好肥美，但都幾大隻，$208半打絕對值得一叫！睇其他人推介仲有燒豬肋骨同乳豬南瓜risotto, 所以即管叫黎試下~燒豬肋骨有五大條，BBQ醬好惹味，每條都啖啖肉，唔韌又易離骨，肉質肥瘦適中。拌碟既薯條好脆口，最特別係有炸芋頭條，比薯條更脆身，令我食唔停口另一道主菜西班牙脆皮乳豬南瓜risotto都好有驚喜，乳豬表皮十分香脆，肉質嫩滑多汁，厚肉又充滿油香，初初睇落以為得四舊乳豬好少咁，但其實食落就覺得份量好多！Risotto煮到非常creamy，南瓜味都好濃郁，飯既質感好有咬口，煮到剛剛好，唔會太生或者太熟。好食既risotto唔易整，呢到就食得到食左咁多油膩嘢，所以叫左杯清新既Very Berry smoothie，莓味唔假，又唔會過甜，真係飲到果肉同果籽👍🏻最後要讚既係啲員工