TEA HUB (Closed)

其實小編Bookmark左呢間餐廳好耐㗎啦☺️不過一直都唔係好敢去，N咁多樣嘢想試😏絕對冇可能食得晒😳但係近日小編終於夾到時間拉大隊去試啦👏Tea Hub係一間以茶做主題嘅餐廳，小店所有嘅食物都以茶入饌☕️，而且飲品亦都有好多唔同嘅茶類選擇。另外，小店嘅裝潢簡約🥰以白色配淺木色，有啲小清新，同時亦充滿文清風😜-🍴燒雜菜咖喱蛋包飯蛋包飯以滑蛋蓋上白飯🍚，旁邊再淋上咖喱汁🥘，同放上以薯仔🥔、蘿蔔🥕、黃椒、紅椒、洋蔥同茄子🍆配上茶葉調味炒制而成嘅燒雜菜。蛋包飯入口食落有非常重嘅蛋香味🤤而且滑蛋煮到半熟嘅質感非常嫩滑，配埋個日式咖喱汁🍛一齊食非常有日式風味，而且咖喱汁本身質感比較稀，味道好香但係唔辣😜所以同蛋包飯本身嘅味道都非常夾😳至於個燒雜菜方面，雜菜粒口感軟淋，而且亦都非常入味，但食落真係唔係太食得出有茶香味😂不過入口食物就非常惹味😜整體來講，呢一碟蛋包飯嘅味道都相當唔錯，雖然只有雜菜，但亦相當好味😆-🍴黑芝麻戚風蛋糕黑漆漆嘅蛋糕加入左日本芝麻醬製作🤫而且當中嘅忌廉亦都加入左磨碎嘅黑芝麻，絕對係芝味十足😉小編試唔到佢哋嘅招牌茶味戚風蛋糕確實有少少失望😔不過好彩呢一個黑芝麻戚風蛋糕即係相當唔錯🤪

身邊朋友一直推介，趁假期跑過來試試，走到長沙灣順寧道，街市小店舖林立，整條街都佈滿一點地道懷舊嘅味道，突顯出Tea Hub 嘅清新。入到餐廳，內部裝修佈置帶一點文青feel （咁我扮吓啦😆)冇食早午餐跑過來好餓，見menu有food set就點了一個燒雜菜咖喱蛋包飯餐，揀咗焙茶薯蓉前菜，配上玫瑰奶茶☕️😋咖喱蛋包飯煎蛋鋪上白飯，雞蛋煎得剛好，唔會老，上面再加上碎紫菜👍🏻，燒雜菜有薯仔、紅蘿蔔、黃椒同茄子🍆調味恰到好處，多種味道集結於一碟，好香又帶點茶味👍🏻，再加上日式咖哩，惹味😋👍🏻。焙茶薯蓉好特別，第一次食到咁樣嘅配搭，有薯仔味又有淡淡焙茶嘅味道，配得剛剛好👍🏻。而玫瑰奶茶清香👍🏻另外，再點了件焙茶芝麻卷蛋糕，焙茶海綿蛋糕卷配上芝麻cream，唔太甜，蛋糕卷上加咗黑芝麻，再有脆脆片伴碟，令到呢個甜品有多重口感，好味👍🏻估唔到茶都可以有好多種食法👍🏻👍🏻👍🏻原來店主間中有舉辦地道遊，免費帶團介紹長沙灣特色，有heart👍🏻👍🏻👍🏻

首次到訪tea hub係超過兩年前，當時試左主食、甜品，印象唔錯。兩年幾後嘅今日，小店喺各方面都更游刃有餘，裝潢、餐點、氣氛貫徹始終，唔單止清新，仲好有內涵。作為文青咖啡店，餐點選擇算多，由沙律、主食、甜品到飲料都可以喺呢度食到。如果平時好似我地咁食開重口味，偶然搵一日試下啲冇咁濃味嘅食物，都唔錯啊店內面積唔算好大，一眼望哂，最標誌性一定係近門口位嘅高枱高櫈，背住店內客人，望向街道，聽住旁邊街市檔販叫賣，感覺幾「出戲」。店內位置唔多，分佈散落，配合高樓底設計，滿滿文青感，簡約樸實，用餐環境舒適，完全無壓力。兩年前黎都仲未有呢幅牆，原來係來自東華三院藝術愛漫遊計劃，當中部份使用者嘅作品，非常有愛餐牌比起當時豐富左，除左固有嘅茶食套餐包括茶漬飯同茶湯麵、三文治、窩夫、多士、蛋糕等，仲有一個出鏡率好高嘅燒雜菜咖喱蛋包飯，設有套餐優惠。飲品並非大行其道嘅奶蓋，而係主要供應原茶、現泡茶等。燒雜菜咖喱蛋包飯 $80 (附前菜、飲品)套餐附前菜、飲品，伯爵茶薯蓉滑溜有茶味。蛋包飯賣相同圖片一致，十分討喜。以滑蛋覆蓋白飯，淋上咖喱汁，再以燒雜菜伴碟，包括薯仔、蘿蔔、黃椒。雜菜以茶葉調味炒製，實在係亮點