美味佳 (Closed)

讀大學嘅時候成日嚟食美味佳我哋叫呢度做肥婆佳 因為一定要等到夜晚係肥婆佳燒嘅串燒先係最好食 今日終於約到班朋友 翻返嚟食久違嘅串燒好食之餘 仲有滿滿的回憶 呢度嘅串燒比一般串燒店嘅價錢平 而且好多選擇 不過人手關係 等候嘅時間比較長 建議早少少去 過咗八點後就座無虛席特別推介 除咗串燒外 呢度嘅蛋炒腸粉都非常出色 每一條腸粉都煎到好脆好香口 炒蛋，腸粉，甜醬同麻醬夾埋 味覺享受而串燒就唔使講啦 每一碟都係即叫即燒所以等得耐啲都值得 加上佢獨家嘅調味料有少少椒鹽 但係又有啲蜜糖嘅香味我最鍾意食呢度嘅燒茄子 燒韭菜 同埋雞翼微焦的外皮內 食物依然多汁 唔會乾哂 強烈推薦大家要試下

一直都好想試下美味佳！因為好多時晚上經過都見到室內爆到街上都要加檯！仲要有好多人排隊等位！又見到食評唔錯宜且價錢經濟！咁啱今晚成9點幾又經過美味佳，見冇乜人排隊，心諗今次有機會試到！行到埋去，同姐姐報人數！姐姐問坐街有冇所謂！咁當然ok啦！因為當晚天氣清涼，坐街仲唔使捱油煙味添！跟手姐姐問要等45分鐘先有得食！既然一場黎到就等下啦！睇下張點餐紙！都幾多選擇！而且真係好經濟！唔怪得咁多人食啦！見到咁，就呢樣又叫下嗰樣又試下！燒烤要等成45分鐘又見有D凍，先整碗車仔麵暖下胃先！慢慢d野食開始進場雞翼我個人覺得燒得好香同仲好Juicy. 另一樣我覺得都唔錯就係茄子，因為燒得時間夠，茄子已淋哂！基本上所有野都不過不失！唯一就係調味就比較劃一！可能大陸串燒既通病！都係辣粉加孜然粉！不過佢地有另一個調味問題，就係加左蜜糖！唔係咁夾！車仔麵就真係麻麻地！下次可以唔叫！好啦！到最尾先知道出事…因為真係點左好多野食！當然唔會浪費食物啦…食唔哂要打包走人埋單$350…因為實在叫左大多野！如果正常估計應該120-130都好夠！抵食就真係好抵！不過就自己衡量有冇耐性等咁耐…

「美味佳」呢個名聽過好多次, 每次黎到舖頭門前總有一班人排隊, 總係最少要等候接近一個鐘(起*)先安排到入座😢 次次行過都得個望字😔今日準時放工, 6:00嗱嗱聲衝過黎👈🏻排隊🙈🙈🙈未夠7:00 已經咁樣😳黎得早, 冇煩惱～雖然未到晚飯時間, 不過人已經好多, 入面已經坐滿晒人嫁啦! 職員姐姐叫我先落單, 再安排入座等左大概10分鐘到就入到去, 真係Lucky! 😀店仔細細入面好似有5位人幫手, 而且大家都好幫得手燒雞全翼 $24/3串朋友真係冇介紹錯! 雞全翼好野味而且唔會燒到好干, 雞肉醃製時候恰到好處, 香料味已經好夠唔使再加沙嗲醬, 正! 😍😍😍👍🏻蘑菇 $9味道好香口而且保持到水份, 幾好👍🏻牛舌 $10 燒牛舌叫咗兩串, 份量絕對對得起＄10呢個價錢, 牛舌唔會燒得太干, 醃製味道適中, 好夠味不過我再自行家左佢哋嘅沙嗲醬, 沙嗲醬嘅花生醬同甜味比較重, 好香花生醬味, 配落牛舌食都唔錯!😋👏🏻豬頸肉 $10我個人比較欣賞豬頸肉! 豬頸肉有返咁上下厚度, 食落有咬口👍🏻👍🏻👍🏻鮑魚菇 $8鮑魚菇吸收咗味粉香味, 食落好濃味, 超正! 😍😍😍翠肉瓜 $7雖然係串燒, 但係翠肉

半年也沒有來吃美道佳的串燒了! 回想起真是非常好吃，但燒得太耐及見過不少小強出沒，非常恐怖，就決定不再光顧。不過今次路經這裡，衛生情況明顯改善了好多，比較清潔，亦不見小強蹤影，所以便再一嚐。其實今次不用等位，但等了近45分鐘食物才到，先來必點的燒雞翼，雞翼一叫3串有特價，1串2隻雞翼。燒得不太燶，剛剛好，上面配辣味粉，好好味!燒韭菜也是每次必點，雖然韭菜掃上一層油，外身比較油，但燶燶地，好好味，加上帶有辣味粉，好惹味!燒燒賣燒到外皮好脆，不過就比較燶，帶有陣燶味的皮。牛舌就不錯，雖然有少少韌，咀嚼時內層不會太乾，還有牛汁，正。原以為司華力腸是一大條過燒，但來到時是一片片，有少少失望。不過腸仔脆卜卜，帶有點辣味及小許蜜糖味，味道亦佳。雖然等食物到的時間太耐，有點心急，但為了好吃的食物，等又何妨呢? 不過衛生問題真的要再加以改善。