越一越南牛肉粉專門店 (Closed)

今日又返到荃灣先搵食，前兩年去過越南旅行有D掛住越南河粉，我本身都幾鍾意食河粉，越南河粉幼身少少但浸得耐都唔會吸左好多湯咁，而且仲保持到個口感👍🏻再加上濃郁湯底一齊食真係好正！今次叫左個 薄燒牛肉撈檬（轉湯河）$68 真係正確選擇，一食就停唔到，差D唔想留D俾老公😜！而個薄燒牛肉又唔會因爲薄而燒得過濃，真係燒得岩岩好又唔乾！另外仲叫左個 小食拼盤 $138份量勁大份，4種小食每樣3件，兩個人食真係好多😆而且每款小食都熱辣辣👍🏻好新鮮好好味！另一樣真係估佢唔到可以咁好食就係 燒魷魚🦑 $68真係未試過魷魚可以燒到一咬即開，好多時食既都係好似魷魚乾😆但今次真係無諗過咁好食，個調味有少少甜，好正！👍🏻條魷魚仲要好大隻

行行下街見到有間越南餐廳幾光猛 新開之後都未試過就去左試吓 餐廳位置闊落我哋叫咗一份薄燒牛肉 佢有蒜頭花生鋪係牛肉面 有好重牛既油香味 雖然唔係跟醬汁 但佢既調味做得好好 唔會太鹹 亦唔會遮左本身個牛味 另外有試燒魷魚筒 佢有用青檸同香芧去醃 唔同出面既醬油燒咁簡單 餘韻有小小辣味 食落無渣好嫩滑 鹽燒烏頭—條魚下面有香葉、香料、少量辣椒鋪底 撥開哂啲鹽同魚皮之後就見到魚汁魚油都仲有保存哂 條魚食落好嫩滑 好有青檸同香料味 98蚊食條魚好抵 不過小心揩到啲鹽😂😂🙈🙈菠蘿炒飯有腰果 味道有少少香辣 但菠蘿粒可以中和辣味 炒飯配料中都有唔少魷魚圈同魷魚蘇👍🏻👍🏻飲埋椰青就今餐好滿足😋😋😋 食間餐廳仲要全日免加一

香港嘅越南餐廳唔算好多，有啲好出名但價錢貴得嚟又唔正宗。終於難得俾我搵到間價錢同食物質素成正比而地點又方便就腳嘅越南餐廳！環境非常舒適好坐，播放啲越南音樂，又有啲越式佈置～估唔到呢度供應嘅越南嘢食款式都好多下最中意就係同朋友分享，可以試多啲唔同嘅嘢！一睇到呢頁張相條魚就被吸引結果無令我失望！同張相一樣㗎！鹽燒烏頭個賣相好浮誇！唔好以為咁多鹽喺上面會好咸，淨係有青檸嘅酸味同小小鹹味，而且因為個底有啲香葉同餣料，所以特別香！第一次食呢個煮法嘅烏頭魚，比起一般食嘅蒸煮更不錯餐牌仲有好多其他唔同嘅典型越式湯粉任君選擇主菜我食咗個蝦頭膏炒飯！大大碟好多蝦蝦～特別想推介以下呢個燒魷魚筒！我會比滿分！啲醬汁酸酸辣辣又有少少甜味，成條原隻魷魚上，好煙韌，不過都好易切！我不嬲都好鍾意食魷魚絲，呢個真係好好好好食啊遠遠above average 呢！仲有四件春卷，用生菜包住嚟食好清新啲料好實在飲品都好高質，鮮榨果汁！我叫咗左邊個杯菠蘿汁，同行朋友叫咗右邊嗰杯蘿蔔汁，兩杯都好新鮮好好飲，好似直接食緊蔬果一樣（我試咗一啖朋友個杯，其實我麻麻哋蘿蔔，所以我覺得呢個要鍾意食蘿蔔嘅朋友會啱啲，因為蘿蔔味好重）而且喺