囍串

Open Now

Now Closed

今日落雨濕濕，放假但係一個人食晚餐， book咗間想食好耐嘅餐廳。就係位於元朗嘅<囍串>。由豐年路輕鐵站行3分鐘到，交通相當便利。今次叫咗三樣招牌菜嚟試吓。店內環境摩登時尚新穎，能引起食慾及適合打卡。我用咗唔同嘅角度去分析一下今次嘅餐飲體驗。清酒花甲粉絲煲 $88上網睇食評好多人都有提及呢一個菜式，果然冇令我失望。花甲新鮮鮮甜沒有沙，而且份量很多目測最少有十幾20隻。另外煲內還有粉絲，豆卜，娃娃菜，白色菇，相當抵食。燒鱔一串 $45色香味俱全，燒得好乾脆，另外肉質亦很彈牙同埋好新鮮冇腥味。燒即開新鮮大生蠔（蒜蓉口味）$48隻生蠔相當大隻，影相特意用一包紙巾來做比較。肉質鮮甜無腥味蒜蓉同生蠔好夾。可樂 $15因為今日有揸車，所以冇叫啤酒飲嚕。 另外上菜速度相當快, 沒有加一服務貴, 店員態度10分良好。下次再嚟想試吓happy hour套餐。

是日夜晚同朋友係附近做完運動🥵有啲肚餓但又唔係想食一大碗粉麵行過見到呢間串燒店 正中下懷入面都坐滿晒人 得番兩個位 剛好唔洗等見到午餐餐牌都好似唔錯 下次做運動前又多個選擇首先叫左燒豬頸肉～ $60估唔到份量都幾多 片片薄切 唔會好難咬味道都幾好 唔算太咸跟住係串燒：燒鱔/ 孜然羊髀肉/ 虎皮尖椒燒鱔個皮燒到脆脆地 同樣小小孜然粉調味都唔會蓋過晒個魚味， 恰到好處孜然羊髀肉羊肉個調味相對相上就濃啲惹味啲，叫番杯啤酒🍻就啱晒喇 ～ 正（掛住食無影close up)虎皮尖椒呢條我試左一啖，因為唔食得太辣😂但朋友食得辣就話好好食惹味茄子呢個有啲意外地好味🤤 本身見到鋪滿晒蒜蓉同燒汁心諗一定好咸啦 🫣點知唔係 兩條友食唔停咁一野食晒成條都無問題👌🏻炸饅頭食完咸野食甜野是常識🤤 不用多介紹啦清酒焗花甲 $78呢兜野真心得！足料！2個人分每人都有十幾隻，應該有半斤以上～ 然後超級清甜 ，配料有洋蔥同少少粉絲後悔無加$10要多啲粉絲花甲無沙，我地最尾飲晒啲湯無剩😋😋勁滿足小小串燒店又有小食又有海鮮下次想試埋好多人叫嘅炒米粉同麻辣蠔仔粉絲

嚟到附近就食下串燒，餐廳環境乾淨企理叫咗幾樣串燒，佢會比一個小火爐慶住，keep 住熱夠哂warm燒鱔$45燒到個魚皮好香脆又好味，肉質都好幼嫩厚切牛舌$28有兩大塊厚切，質地又香又軟，加左孜然粉同香蔥調味，相當唔錯多春魚$24多春魚好香脆，冇雪氣味金釀肉丸串$22正常冇乜特別北海道活元貝$42元貝新鮮，粉絲夠淋，勁重蒜味。如少d 蒜味就比較適中燒菠蘿$9唔會燒到太dry, keep 到juicy珍寶凍檸茶$28夠哂大杯，抵飲雞蛋腸粉似食緊石磨腸粉嘅感覺，腸粉香滑，加咗蔥花特別香，甜豉油汁又唔會鹹，飽肚又好味