燒味滷師 (安發大廈)

Open Now

Now Closed

燒味滷師係長沙灣一間新開嘅燒味鋪，雖然話而家多左人返屋企食飯所以次次行過燒味鋪都會見倒有唔少人幫趁，不過燒味滷師就特別旺場，無論係排隊落單定等燒味都好多人，無他，因為見佢個價錢真係幾抵食。三個師傅喺廚房入面密密斬冇停手。去朋友屋企食飯，冇理由兩手空空，所以斬左幾款燒味試下。客家鹽焗雞($59) - 幾款燒味入面，鹽焗雞就最抵食，$59/隻，大大盒，鹹味啱啱好，雞肉唔會太肥或者太鞋，碎骨亦唔多。燒鵝下庄($120) - 燒鵝甘香油潤，鵝皮下面連住一層薄薄脂肪，正呀！燒腩仔($64/半斤) - 燒腩仔鹹鹹香香肥瘦適中，燒肉皮脆得黎唔會太硬。叉燒($50/半斤) - 叉燒顏色偏橙色，賣相雖然冇出面咁靚仔，不過食落都鬆軟，加埋甜甜地嘅叉燒醬都幾好食。

放工無野好做出左去九龍行街一個人行下行下去左長沙灣😅見到有間燒味舖勁多人排隊走左去8卦 原來做緊新張優惠啱啦 反正番到屋企都差唔多開飯即刻叫阿媽煮少個餸等我斬料🤣🤣點知阿媽聽到我話斬料竟然隔空落ORDER——————————————————最後買左4樣野 係咪痴左線？燒味之中中島最中意食嘅就係叉燒😋所以二話不說斬舊叉燒食下先叉燒睇落肥瘦比例7:3 夠健康👍🏻但食落一啲都唔會鞋同乾鹽焗雞勁抵食大大隻偷聽到街坊同職員講話優惠價做埋今個月下個月就做番正價未試嘅要快手啲啦至於燒腩仔番到屋企啲皮都仲脆唔似坊間啲咁肥一層肥一層瘦咬落去油香四溢成舊食都唔會有罪惡感燒鵝香噴噴皮薄肉厚啖啖肉滋味十足個人覺得好食過上次喺深井食多肉又大舊仲要平過深井🤭——————————————————▩ 客家鹽焗雞1隻 $59▩ 至尊燒鵝下庄 $120▩ 燒腩仔 $64▩ 叉燒 $50