爆辣冷麵 (Moved) New Location

位於小型商場既小店，都長期keep住有客。佢地5月會搬新舖位，係西菁街果頭。個名叫得爆辣，辣度點會濕濕碎，醬汁好惹味，本身都算食得辣，嗌中辣都已經覺得好辣。呢到既份量屬於重量級，表面既蟹籽同芫荽都爆滿。味道76分，服務75分，環境60分。.️🔸爆荽蟹籽冷麵($40)芫荽黨黨員注意⚠️ 冷麵表面蓋滿就快爆瀉既芫荽，食成盒冷麵，每啖都可以食到芫荽，啖啖芫荽香。.🔸爆多蟹籽冷麵($35)呢個冷麵上面就蟹籽多到crazy，毫不吝嗇咁放蟹籽落去，每啖食落都好多蟹籽，冷麵份量都好夠飽。.🔸爆撈小食(細撈) ($38)由好多不同款食品撈埋惹味醬汁，大腸，粟米，魚片，墨丸，魷魚，蟹籽，蟹柳，腸仔。金錢肚咬落略嫌偏韌。.🔸經典膠袋撈麵($18/4包)間唔中行行下街，一口痕就會食下撈麵止口癮，細細包嗌中辣都幾過癮，好香蒜味。.💈元朗又新街37-51號又一新城1樓F066號舖(舊舖)💈西菁街富盛大廈89號地下(5月開始搬新舖)

今日一場去到元朗呢個充滿街頭小食嘅地方，就順便去搵食🍽老公鍾意食辣🌶搵到呢間個名都叫爆辣冷麵嘅買外賣返去一齊食。不過我唔係好食得辣，所以叫咗一個唔辣嘅爆多蟹籽冷麵，見到店家喺度整嘅時候喺麵上面鋪滿蟹籽，真係勁震撼😱😱不槐為爆多蟹籽😆而老公就叫咗一個爆辣程度嘅芫荽爆多蟹籽冷麵 🍜 蟹籽同芫荽嘅份量又係堅多😆兩個冷麵嘅份量都係好多，食完真係超飽。而且食到生蒜🧄麻油味好香。非常食得辣嘅老公話普通爆辣程度唔夠，下次要食就一定要食爆爆爆辣😂😂最後要咗一個本地製造嘅 椰子牛奶雪糕🍦比小朋友，佢自己食晒成杯，我試咗一啖，又確實有好香濃嘅牛奶同椰子味😋