勝利牛丸

Open Now

Now Closed

一個沙巴食客對勝利牛丸的評鑑,勝利牛肉在元朗區屬名店,本人特別由沙巴飛到香港再山長水遠入到元朗,在元朗扫街之餘順道一嚐勝利牛丸,由于之前已食了燒鵝,所以只叫了一碗淨牛丸和一碗淨牛根腩,牛丸彈牙不錯,可惜牛根腩超咸,可能是淨牛根腩的關係,如果加個麵或者河粉可能不會這麼咸吧!

今日試咗喺元朗有三間分店0既勝利牛丸。因為0係閒日下晝0既關係，唔駛等位。循列問問有無餐牌，答案係無0既，阿姐話得牛腩同牛丸，於是就叫個牛腩牛丸河。環境尚算乾淨，而且唔會太迫。碗麪唔算好大，女士食份量啱啱好，男士應該要兩碗先夠。不過賣相唔錯，牛丸同牛腩都排得算整齊，牛腩顏色呈較淺啡色，唔似平時食開果啲。平時食開0既麪會加蔥花，呢度就加咗小小冬菜，唔食冬菜就記得要走冬菜。先試下個湯，濃中帶清，濃0既意思係指湯好有牛腩味，而且帶小小膠質，真係好似炆咗好耐; 而清0既意思是指唔似落咗味精，因為一般飲到果啲濃法會係落咗味精果隻，呢個湯完全無味精感覺。個湯唔係好咸，所以鍾意咸啲0既朋友要自己落豉油。牛腩牛筋炆得好有水準，入口即融，牛筋焾到好似四方啫喱0既質感，但唔會0係夾唔到果隻。牛腩亦好入味，咬開亦到係同外層顏色一致。牛丸好彈牙，亦好有牛丸味。麪0既配搭有河粉，粗麪或米粉。想食菜亦有腩汁時菜。我個人認為落小小辣好味啲，最後我都食晒成個麪連湯飲，成為19元。