燒肉King (Closed)

有時候想平平地食下燒肉 又唔想食任燒 純粹過下口癮 或者享受燒肉嘅過程 同朋友玩下 傾下計 以前都會揀燒肉LIKE 不過就成日要排好耐隊 今次就搵到間 同樣好抵食 質素接近嘅平價燒肉店 佢個環境仲好新淨同寬敞 人流又唔多 坐得好舒適。牛五花$62/100g  $85/200g價錢與食物質素符合 肉質唔會話好韌 推薦點韓國風味燒肉醬 甜甜地幾好食 個飯係珍珠米 佢仲送個前菜 係牛舌沙律 幾特別 牛五花/豬五花/味噌雞肉 $58/120g $75/220g三個肉之中 我覺得豬五花係最好食 肥瘦岩岩好 燒完都幾香 仲好過個牛我覺得呢間燒肉店係平價之中 無論環境 食物 服務 價錢  都算唔錯 我地去個日係星期日 下午時間 見佢都唔係好多人  希望大家都可以比次機會去試下同支持小店啦 

早前等老婆放完學，一齊晌砵蘭街一家小店食龍蝦車仔麵，但趁佢未夠鐘放學，就晌附近游走吓，偶然睇到呢一間日式燒肉店，見佢啲午餐唔貴，大可搵次過嚟過吓燒肉癮。所以，造就今日同老友晌附近完咗活動，就嚟到食個燒肉午餐。一室以淺色木系為裝修，襯以灰紋地磚，簡潔明亮。主要以4人枱為主，二人一爐，亦有少部份高腳枱櫈，間成兩人一組。放埋嘢食，枱面空間緊緊夠。去洗手間期間，仲發現原來有廂房，可以分兩枱，坐到8個人，幾好喎，如果一大棚朋友嚟，有個私人空間，玩得更盡慶。呢度喺以數碼方式落單，掃一掃二維碼，再自行揀食物、飲品。時下有啲餐廳，連餐牌都慳番，小弟就覺得唔多方便喇，有個餐牌俾大家睇，方便到大家易啲睇到有咩食，唔使得一個人成日碌嚟碌去。午市主要分成兩大類，一類喺設定好食材組合（午市套餐），另一類就自由配搭食材組合（自由選配），無論邊一類，都有唔同重量供選擇，彈性大。不過，前者已埋御飯、和風湯及和式前菜，套餐最平只喺$48，食到最貴都喺$128；但後者則需額外加$22先可以轉成為套餐，所以，我哋都揀午市套餐，划算啲嘛。右下角仲有啲飲品選項，可惜喺無啲加配嘅優惠，但定價都算相宜。想奢華啲都無問題，有個極上二