無老鍋

Open Now

Now Closed

無老鍋係香港首間分店，雖然我冇喺台灣食過，不過我相信味道應該差唔多呱🙊十分欣賞佢哋提供熱茶，食完有少少雪葩解熱。服務一流，侍應好勤力，不停添湯添豆腐添鴨血。*鴛鴦鍋 (麵包豆腐鍋+無老辣香鍋) 每位$68鴛鴦鍋額外收費$88/每枱白湯用雞骨、豬大骨、洋蔥、青蔥、薑、蒜頭熬成濃厚嘅湯頭，後勁有好淡好淡嘅中藥材味。每人一粒冰淇淋豆腐，由花枝漿、魚漿、豆腐打成，口感軟綿微彈牙，真係似雪糕嘅感覺。紅湯香辣惹味，而且唔會過於油膩，辣度恰到好處，可以食到食材嘅原味，又可以食到中藥材嘅回甘。最重要係豆腐、鴨血任添，真係！真係！任添！蜂巢豆腐好索湯，鴨血嫩又唔腥，唔驚唔覺食咗好多。*牛小排拼去骨雞髀肉 $2288片牛小排帶油花，肉質嫩但肉味未夠濃。反而雞肉有驚喜，好軟好嫩又juicy，雖然雞味都係好淡🙈*濃香豆皮 $68台灣直送，外形似炸響鈴，一張豆皮捲埋成為一捲豆皮，煮2-3分鐘，一層層嘅口感，索晒湯底精華。*綜合丸 $128手工蝦丸、牛骨濃汁牛丸、手工花枝丸、豬骨濃汁貢丸，每款各兩粒。每一款都好好食，彈牙足料。

台灣過江龍麻辣火鍋之前淨係喺台灣食過一次(仲要一行十幾人 好懷念🥲)印象中佢個雪糕豆腐好好食😋冰淇淋豆腐鍋 + 無老辣香鍋 $78/位 🙆🏿‍♀️鴛鴦鍋 $882邊都落咗好多香料去整 所以好入味而且兩邊都有麵包豆腐同鴨血 都好夾而冰淇淋豆腐喺上鍋時店員先會幫你落再叫你煮15分鐘就可以食 魚腐咁嘅口感 好好食😋之後就每粒$10而2款鍋底都好濃味 我哋全程冇加醬料🤭麵包豆腐同鴨血 $0 🙆🏿‍♀️最癲係呢個 免費任添🆓添咗2-3次 本身鍾意食鴨血 2邊都好好味😋😋😋另外個豆腐都好正 就好似百頁豆腐咁吸晒啲湯 好入味而且入口即化 只要小心唔好辣親就OK😛牛小排拼去骨雞髀肉 $228 🙆🏿‍♀️牛小排有8片 輕輕淥一淥 入口尚算有牛味2邊鍋底有唔同風味 都好味😋但個人覺得辣香鍋會有少少搶咗個牛味雞髀肉有6嚿 去骨好吸引😆啖啖肉 而且雞髀肉唔會嚡口 再加埋咁濃嘅鍋底冇乜好挑剔😋招牌手工三色滑 (台灣直送) $168 🙆🏿‍♀️首先要講係單點要$128蟹肉滑、蝦滑同瑤柱滑3款就$168之後想講嘅係3款都好足料 真係冇叫錯🤤蟹滑好多蟹肉絲喺入邊 啖啖蟹肉🦀蝦滑係我哋最欣賞嘅 因為入邊有好多蝦肉令到煮熟後 粒

估唔到打唔通電話訂位都食到無老鍋！！！由佢開始有電話預約，我就時不時打去想booking。但始終唔成功星期二放假去銅鑼灣食晏加去行工展會，本來只係想食晏前上去睇下訂唔訂到位之後再去打邊爐。點知佢平日晏晝仲有唔少walk in 位！我哋12點去到，即刻入座，見仲有好多位。最記得台灣無老鍋除咗好食，服務仲好好。嚟到香港，佢地打招呼都係用普通話，侍應亦都好仔細介紹個菜單。佢同台灣一樣係按人頭收鍋底錢，冰淇淋豆腐鍋包每人一粒冰淇淋豆腐，$78位，如果點雙拼鍋底就再每鍋額外加錢。午市冇茶芥錢，除咗普通醬料，仲有白飯任裝。雖然佢個辣香鍋唔算好辣，但每次食完佢個藥材白湯鍋都覺得好補身，我哋兩個人，冇必要加錢點雙拼，但如果四個人以上加$88點雙拼除開每人加$20有唔同口味都化算。點完無幾耐就上個鍋上菜又快，我仲係咁追加大愛滑滑鴨血同索晒味嘅麵包豆腐。無老鍋小牛排係必點嘅，我哋點咗雙拼配雞髀肉，6大片小牛排，肉質係靚嘅。雞髀肉好滑，下次多人就分開點。我哋係鍾意食佢個鴨血同埋麵包豆腐，所以唔會食好多肉。來自台灣嘅燕餃都唔可以錯過！今次點咗三拼，蛋餃都唔錯，但可能我自己有整開，都係鍾意煎香口D。而燕餃個皮就