喜來稀肉 (瓊華中心)

Open Now

Now Closed

呢間韓燒係蕃薯妹必食推薦名單內頭三甲！食過銅鑼灣同尖沙咀分店都覺得好出色！今次嚟試吓旺角分店🤩旺角分店嘅裝修比較Cyber feel，以黑藍色為裝修主調，我鐘意佢嘅座位以卡座為主，非常寬敞舒服！旺角分店同其他分店一樣，所有醃菜配菜&調味料都係自助形式自己出去攞，無限添加！佢哋嘅泡菜同醃蘿蔔係超好食！🤤調味料除咗有烤肉醬、韓式辣醬呢啲基本嘢之外，記得一定要攞香草鹽同埋麻油！用嚟點牛肉好好味🤤爐邊蛋一樣係無限添加，一邊泡菜蛋，一邊芝士蛋，我哋食咗兩轉🤤😂============ヽ(○´∀`)ﾉ♪今次試咗幾款未食過嘅菜式🤭«真雪花牛肉»份量多，牛味重有嚼勁，油花唔算好多但係口感軟熟，唔錯👍🏻 伴碟嘅翠玉瓜同埋菇記得要燒肉嘅時候放去爐邊一齊燒，吸收咗肉汁嘅蔬菜更好味😋每次嚟都食五花腩，今次見倒有新嘢！試吓比較特別啲嘅«特殊背花肉»🤭 呢個位置嘅豬肉當然冇五花腩咁有油脂香，但係豬肉味比五花腩香濃，而且入口口感特別，軟嫩唔韌，亦無五花腩咁油膩，推薦要試吓！用嚟包生菜食啱晒🤩«牛排骨湯»湯頭比較清香，飲落去有濃厚牛骨味！咁細個煲仔入面竟然有超多牛骨🤣 牛排骨肉煲到勁淋，湯入面有韓國粉絲索晒牛骨湯精華

🔥燒肉界競爭激烈，坊間選擇多，今日介紹大家耳熟能詳一直居於丁丁燒肉排行榜Top3嘅喜來稀肉啦❤️‍🔥環境：7/10搬左嚟旺角瓊華中心，裝修簡潔，坐位闊落，一入餐廳唔會覺得好大油煙，抽氣方面做得唔錯🥰，自助區都指示清晰👍🏻食物：8/101️⃣Han-Don五花肉 $180油脂充足，一放上爐燒就香味四溢，厚薄適中方便大家去燒😛好多時五花肉或者五花腩又厚會好難燒，太短時間又怕入邊唔熟，太耐又驚表面太燶🤦🏿‍♂️，依家大家唔洗再擔心啦‼️2️⃣牛護心肉 $160啖啖肉之選🤤牛味濃，建議大家先試原味，感受最原始味道😋，之後先包生菜等加配料🥗（超過醬料選擇，個人最中意香草鹽）3️⃣牛五花 $158薄薄一片但油花分佈平均，大家記得唔好燒太耐呀🤣入口油香充斥口口腔又juicy ，一啖一塊真係食唔停🤤4️⃣牛排骨湯🥘排骨上嘅肉煲到軟腍，牛嘅精華已經出哂嚟，仲用少少胡椒提鮮，入邊仲有粉絲吸收湯底，相當惹味😍💰性價比：7/10 人均$300左右，泡菜青瓜等配菜都任拎，想食幾多就拎幾多😝店員好貼心留意大家需要，主動幫大家換鐵板同加蛋漿，值得一讚👍🏻

一直想食喜來稀肉好耐，今日終於約到閨蜜陪我食。餐廳入面環境都唔錯，空間感十足，每枱都有獨立抽油煙機，唔怕食到一身油煙味。門外張貼咗告示，係講如何免費享用沙律吧嘅方法，都幾搞笑。所講嘅沙律吧其實係韓式泡菜沙律。既然任食，而且泡菜又有益，即刻夾一大盤返番埋位慢慢品嚐。最鍾意食韓燒烤爐邊嘅雞蛋，呢度預設咗純雞蛋同芝士雞蛋，店員仲建議我哋可以自己加泡菜落去變泡菜蛋。最鍾意佢無限追加，我哋都refill咗幾次。朋友話唔想食太多肉，最後決定叫濟州五花肉，係兩大條五花腩。五花肉燒起上嚟味道更甘香，而且經過燒烤後嘅五花肉可以去除多餘油脂，食起上嚟卜卜脆。除咗燒肉，我哋仲叫咗幾款主食，海鮮泡菜餅鋪滿一隻大圓碟，入面有好豐富嘅海鮮，而且味道都唔錯，點埋佢嘅秘製醬汁就更好味。牛排骨湯上枱嘅時候熱辣辣。牛排骨份量相當多，入面仲有大葱同粉絲，湯底帶有胡椒香，都幾醒胃。最後食埋個甜品，韓式雪花冰Bingsu係牛奶味嘅棉花冰，上面就灑上黃豆粉、穀物片、花生、麻糬粒、紅豆蓉等，無論賣相同味道都攞滿分，下次再嚟一定要encore。