堅石燒 (Closed)

為左慶祝朋友生日，而壽星又想食燒肉，所以就試下堅石燒。好彩預早ＢＯＯＫ了位，否則要等好耐才可入座,所以記得要預先訂位啊。今次我們兩人點了一客和牛和一客牛板肩SＨＡＲＥ一起吃。和牛扒（２００Ｇ）＄２９９： 第一轉燒時朋友燒耐了，差不多９成熟，所以比較鞋，之後我再試下只係輕輕地燒兩面就入口（朋友話好生)，入口軟腍即溶。如果唔怕太生，就只要輕輕燒兩面再加少少玫瑰岩鹽及黑胡椒就進食吧，這樣相信是最好味。牛板肩＄１３８：第一個感覺塊牛扒很長，比塊鐵板還要長，牛扒夠厚，有咬口感，添上小小燒烤醬，正。每張枱均放有即磨玫瑰岩鹽及黑胡椒除左兩份主餐每人加＄１８就可以任食小食及意粉，湯等。爆谷：夠熱，脆，可以再甜些少。沙律盒：沙律醬可以直接倒入盒內，再雙手用力搖。。。咁就立即食得，又好玩又快撈完，沙律菜算新鮮，我地都食了好幾盒。海鹽味及咖啡味雪糕：香濃海鹽及香濃咖啡味，這兩款雪糕不錯。麻辣味雪糕：原本以為會超辣，但原來只係微辣，食了幾啖，喉嚨才會感受到有少少被針拑拑下的感覺，連我唔食辣的朋友都食到這款雪糕。大醬湯：味道幾正宗，和韓國飲的差不多。牛油蒜蓉意粉：意粉沾滿超香蒜蓉味，聞到很香，食落更香，食過就停

我向來都喜歡食石燒牛， 聽聞蕭生開咗呢間更加要去食， 我同friend八點半去到， 職場walk-in攞籌都等咗半個鐘， 喺我之後嘅人就冇得攞籌。 而是先入去嗰陣時都話已經冇曬沙律，不過唔緊要我哋依然加咗任食小食吧。 一入到去整體環境唔錯，有啲簾隔住。 本身我同我朋友想食大理石， 落單嗰陣時居然話冇哂，sad，咁唯有轉咗做牛板翼， 希望佢下次可以早啲講。 同埋張枱同地下好油好跣， 希望可以改善下。 我哋九點三落單， 九點半就有肉上到嚟， 但佢九點九就小食區全部收曬， 所以最提醒大家要早啲去攞。 而落單方面， 本身我哋係嗌咗 兩個200 g一個300g嘅牛板翼， 點知佢嚟咗兩個300 g一個200g, 所以我哋就話唔得， 後來佢同廚房講，廚房嗰邊話肉都切咗啦， 所以就照收返我哋兩個200g一個300g嘅價錢， 希望佢下次落單嗰陣時可以睇清楚。 而肉質方面， 我呢舊就幾好食， 而我啲friend就話佢哋嗰啲比較多筋， 比較難咬開同切開。 但我最欣賞嘅係佢哋嘅配菜有乾蒜，蕃茄仔 ，仲有牛油畀你燒， 係一個比較西式嘅石燒。 而佢嘅雪糕， 強烈建議港式奶茶 同牛奶糖味， 非常