Tivoli 意大利餐廳

Open Now

Now Closed

細個唔係呢頭讀書，好少過黎，若果係嘅話，一定會食過呢間老店。一班朋友 ad hoc 約食飯，天氣凍諗住打邊邊多人到癲，行幾個街口衝咗入黎，randomness 通常不帶期望，結果係好有驚喜。燒牛柳無 overcook, 非常林身，配菜幾款都非常好食，我尤其鍾意薯蓉😋😋仲有一樣係好好嘅，而家去餐廳坐耐少少都攪你，黎呢度有好多枱都好似我哋咁坐咗3個鐘有多😂😂 老朋友相聚就係咁，老餐廳就係咁，充滿人情味。下次唔使排邊度，直接衝入嚟😂

朋友生日想找間平價餐廳和有蛋糕供應的餐廳。因為只有兩個人如果出面買來，又要砌餅費都唔化算。無意中比我找到這間。這間有蛋糕供應，但要提前預訂。但其實只需當日打去講定就可以。在我決定選這間時，我發覺原來這間食店過咗九點半就有七折。因隔天大家都放假。所以晚點食都無所謂。那日我地其實早咗到，因為唔知需唔需要等位。但餐廳都要求準時才可入坐。因為怕落單時電腦會計正價。其實老實講，你可以夠鐘先落單囉成間餐廳無人。但叫個客係門口等夠鐘。餐廳門面普通，要主動行入去才可見到里面情況。私隱度都幾高。終於夠鐘可以進場用餐🍴侍應帶我哋去一個角落。佢哋覺得這樣會安靜一點。唔怕被騷擾。但其實我想講場內根本就冇乜客。這個角落因為有大蠟燭照住。加上無咩冷氣。我哋兩個反而覺得好熱。可以散點但都有套餐。兩人餐又覺得無需要食那麼多，所以選咗兩個一人餐就夠。不過都係好抵㗎今日的菜式：紅湯算合格牛油手工好靚。一個個玫瑰花🌹今日點咗牛柳。牛柳都係本人嘅至愛這個牛柳水準比一般港式扒房好。但當然唔可以和Outback這些高級西餐廳比較。醬汁都好夠。味道唔太濃。配菜簡單普通。因主角都夠大。所以都唔係太介意。選擇這間餐廳除了因為夜後有折。

超值之選，牛柳鬆化、薯泥有質感有薯粒。以為在香港再也不容易找到火燄雪山這個甜品，有而且真是雪糕裏面，朱古力蛋糕部份很鬆，有些似Tiramisu feel. 正！食到傳統的堅持！

又是好友生日慶祝，選了這裡，因為喜歡它的懷舊環境及有誠意的意菜味道。服務更加是super good.老闆及員工都是超級好。介紹了多種菜給我們share食。先來大蝦芒果沙律，芒果甜，蝦大隻，沙律內的醬配合得好，食落好fresh.推介了鮮蠔菠菜忌廉湯，出奇的味道一流，有蠔鮮，配上暖脆的法包，正！牛柳medium，肉汁多又一個驚喜。海鲜卷內有芝士配上鮮味的海鮮粒。Pizza是意大利傳統的薄的餅底，又脆又熱辣辣。最後來個tiramisu配上咖啡。一頓回味的晚餐，perfect!