越風味地道越南料理

Open Now

Now Closed

晚餐諗唔到食乜，所以上OpenRice睇吓附近有乜食，見到呢間越式菜評價好高，所以入咗去。所揀嘅嘢都係大家熱門推介嘅。鮮茄蟹肉湯"Banh Da"粉, 真係第一次食，之前從來聽都未聽過。有蟹肉嘅鮮味同非常香濃嘅茄味，所有配料都非常之精緻，仲有軟殼蟹腳一件。未食過嘅，點都要試吓。不過今日好熱，未感受到佢嘅精髓。豬頸肉撈檬嘅炸豬頸肉都算冇得輸，粉紅色嘅豬頸肉非常嫩滑，外面炸得香脆可口。因為天氣熱，所以想食撈檬。但係呢碗撈檬加埋個汁，都係有暖暖哋嘅感覺，做唔到解暑嘅效果。檬粉嘅質地有啲似米粉。如果花生同乾蒜片多啲就好啦。牛油果沙冰係大家推薦嘅，而我又好鍾意牛油果，所以一定要試。牛油果味都算唔錯，最好嘅地方係非常之滑。不過可能因為平日飲開更多更好嘅牛油果飲品，呢杯嘢唔算突出。同埋天氣好熱，作為一杯沙冰佢唔夠凍。可能落去嘅時間比較多人（晚上7:30）、坐得唔算好舒服。張枱好細，好迫。

呢次係我地第二次去食了，因為第一次係想食越南野，所以就求奇搵一間食，本身冇咩期望，點知樣樣都幾好，所以都要推介一下俾其他人牛油果沙冰係大推！一坐底必點！！因為上次飲過 本身想試其他 但都係念念不忘看似平平無奇，但有驚喜！好香口，粒粒分明！因為你帶上次張單再黎食就送雞翼，但唔好以為送就會求其，一啲都唔馬虎！我想講有位男士（疑似老闆），超級熱情介紹，重話佢餐牌上樣樣好食，無可否認我上次叫同今次叫嘅嘢食都唔一樣，但係都冇失水準期待下次！

今日我哋去咗油麻地嘅越風味地道越南料理啦！話說呢間越南餐廳開之前都係另外一間越南餐廳，見到呢間開咗，所以入去試一試！😋🍅蟹肉蕃茄湯檬粉檬粉煮得非常鮮甜，加上啲蟹肉同埋蕃茄湯底，味道好豐富，令人一試就愛上。配料有非常多，而且非常正宗。🍲特級生牛肉河粉河粉煮得好彈牙，而且有啲微微嘅甜味，同埋啲生牛肉都好新鮮，肉質好嫩滑，係新鮮牛肉，配合芽菜同埋蔥花，真係好好！🥗牙車快即係越南嘅雞絲沙律，除咗雞絲沙律之外，仲有蝦餅送，配埋薄荷同埋檸檬葉，味道清新🌯鮮蝦米紙卷米粉造的薄皮質地好輕盈，食落唔會覺得好飽。包裹蔬菜同埋蝦，加香草同調味料，味道清爽唔會太油膩，啱哂追求健康同清淡口味嘅人食。🍥雙味扎肉肉質好嫩滑，有兩隻唔同口味，有一隻係裏面有豬耳嘅，我會鍾意嗰隻多啲。🥑牛油果沙冰牛油果沙冰就好綿密，牛油果味道好濃郁，係夏天清涼之選。越風味地道越南料理嘅食物真係幾正！味道好鮮美，質素高，而且係越南師傅主理，俾人用公道嘅價錢來品嚐高級嘅越南美食！👅味道💛💛💛💛💛👨‍💼服務💛💛💛💛💛🍽環境💛💛💛💛💛💦衛生💛💛💛💛💛💯抵食💛💛💛💛💛越風味地道越南料理📍旺角砵蘭街108號地舖