E FOR EGG (Moved) New Location

本身諗住去隔離食dear coffee10幾個人喺度排隊轉過去咗呢間e for egg!.🥑牛油果蛋沙律盒子吐司 $42穩陣無得輸既配搭包保好食🤣麵包外脆內軟表面煎香大大把整個吐司質素提升略嫌蛋沙律醬既味會蓋過牛油果味牛油果控可能會失望.🧀蒜香雜菌黑松露拉絲芝士滑蛋吐司 $5x好似係期間限定滑蛋好味過蛋沙律100倍芝士同滑蛋的味道好夾仲有好多菇喺入面增加口感黑松露為整個吐司錦上添花.另外想特別讚一下跟餐既蘋果茶蘋果味好香好似蘋果汁咁

呢間真係一間小店，因為店內勉強叫做有4個位，Bar枱位，外面有張長凳同Bar枱，如果想用枱放野食就要立食，如果想坐就無枱用，我好好彩坐到入面的Bar枱位，算叫做無咁狼狽。呢間小店D多士賣相都非常精彩，諗咗好耐叫乜野好，結果就叫了牛油果蛋沙律盒子多士，真係好味道，厚多士劏肚再入D牛油果同蛋沙律入去，口感比一片多士上面放牛油果同蛋沙律更出眾，下次會試埋其他款式。

繼續介紹大圍好西，今次去食呢期好興嘅滑蛋多士，店內只得4個位，唔想喺烈日下等咁耐最好早啲黎。吐司即叫即製，點單後要等10分鐘左右。牛油果蛋沙律盒子吐司：望落好吸引，餡嘅份量多到一切就流出黎，吐司烘到金黃色，脆到好似食薯餅咁，好香牛油味。咁啱我嗰日個牛油果唔係幾靚，淋但帶苦味，沙律醬頗酸，對我黎講太多醬汁有啲溜，阿妹就覺得呢款個餡係凍嘅夾啲，真係好睇個人口味。招牌三重芝士滑蛋盒子吐司：呢個我真心推薦！好食過Isxxc多多聲，炒蛋好滑，夾住半溶芝士同少少酸嘅醬汁，面頭就有巴馬臣芝士碎，我覺得個餡同個吐司都熱辣辣好食啲。凍茉莉花茶：有淡淡嘅花香，正正常常。