沙嗲王 (MPM文華商場) (Moved) New Location

呢個名真係好熟悉 雖然經過過好多次但都無試過前排有朋友去咗同我講好高質一定要試試即刻搵多幾個朋友食多幾款食物🤣因為4個人所以嗌咗兩份九大簋2人餐👫🏻九大簋2人餐 $258價錢係$258起 有啲菜式可以加錢選擇🥣是日餐湯侍應介紹係蝦湯 有濃濃嘅蝦嘅甜味 混合忌廉口感軟綿順滑 🍟脆卜卜炸薯條 +$10薯條好酥脆而且超級熱辣辣 趁熱食完全唔會覺得油膩入面都唔會好空心好似咬炸皮咁調味淨係少少鹽唔會過重口味🧈牛油雞翼雞皮炸到好酥脆 皮脆肉嫩調味都幾重口味 最多人推薦絕對係白咖喱系列我哋就嗌咗白咖喱香茅豬扒飯🍛白咖喱香茅豬扒飯 豬扒有3塊 雖然唔算超厚肉但份量都幾大重點係唔會太多肥膏或者筋 所以好多肉食炸到表面金黃色但保持到肉質嫩 完全唔會乾柴白咖喱惹味但唔係辣嗰種 係偏甜帶點椰香質地順滑偏濃稠 唔會話太水好似無料到咁米飯選用珍珠米 粒粒飽滿圓碌碌 口感都幾好份量都唔少 男仔都會飽飽🥩紅酒牛扒汁芝士焗牛柳粒飯 +$5芝士係一大片鋪喺面 做到微微拉絲中間埋藏咗隻温泉蛋 篤爆後令整體變得更濕潤外圍有好多牛柳粒 大大粒肉質嫩滑 有啲似牛腩焗飯用咗炒飯底 飯粒粒粒分明有咬口而且金黃色有啲蛋香味紅酒味就幾乎

中午時正考慮在哪裡享用午餐之際，經過MPM看到沙嗲王招牌，突然想到吃個白咖哩豬扒飯，昵個招牌菜大大話話食咗差不多20年，近幾年都冇去懷愐過，今日決定再次品嚐，看看能否保持水準環境不錯，但服務員比較不積極白咖哩豬扒飯$61 （假期不設套餐）白咖哩汁微辣帶香，豬扒醃得不錯，帶香茅味，但比較淋身，如果有咬口更喜歡，飯大碟亦夠熱，整體keep到水準牛油雞翼4隻$40炸粉不算厚挺乾身，雞翼juicy!不過太熱氣，每人2隻夠喇！（雞翼比以前細隻）

星期日中午同幾個旦散去SuperPark玩左半日，已經早早決定晚餐要旺角食沙嗲王，不過其實食黎食去，個個都係點平時食開果啲野，雖然係無乜新意，但勝在每次食都覺得好味道，大家都百吃不厭😋同埋我好鍾龍呢間既卡位，坐得特別舒服😁尋晚每人點一個餐，我同呀仔再另外點左啲每次必食既小食細仔同契女食肉醬溫泉蛋飯肥仔食豬軟骨飯我食白咖喱豬扒飯小食~避風塘軟腳蟹（肥仔必點）雞軟骨（肥仔必點）牛油雞翼（肥仔必點）芝士一口貝（我間中點）石頭鍋娃娃菜（第一次點）飲品~芒果沙冰（Happy）朱古力沙冰（兩個仔）荔枝紅茶（契女）由我細細個已經好鐘意食【沙嗲王】，跟住到我個仔，遲啲應該到我個孫，期待3代同堂去食沙嗲王既日子……🤣

黎到沙嗲王，緊係要食巨脾啦，除左豆腐煲飯好好食之外，呢隻巨脾都成功征服我個胃同女朋友得閒黎食午餐，叫左巨脾烏東、牛油雞翼、冬陰公烏東、椒鹽豆腐，平時星期一至五會有午市套餐，今日星期六就要散叫啦。因為實在太餓，食到中途先記得要影相，拿拿林影返幾相做記綠先首先黎左冬陰公烏東，配料都幾足，烏東軟硬適中，唔太辣 椒鹽豆腐同牛油雞翼不得不讚，雞翼又嫩又滑，超香牛油味，個皮勁香，咬左一淡d肉汁流哂出黎，超好食椒鹽豆腐好嫩滑，淡淡既椒鹽香，不過超級熱，要吹下先得最後就係重中之重：巨脾烏東， 黎左個烏東先，個湯係沙嗲汁，唔太咸，但食落唔油膩，一淡接一接，個巨脾超大塊，仲大過我個手掌，用刀切落去，唔使用力就切得開 勁嫩勁淋 雞肉味出哂黎，第一淡咬落去，d肉汁多到我講唔到野仲要個皮俾佢燒到香香脆脆，直頭係無得輸 最後尾，食完個巨脾，仲可以啃埋個骨，鐘意啃骨既朋友一定要食埋