OPPA韓國燒肉店 (Closed)

之前食oppa都仲係單點模式 估唔到原來而家有埋放題添就一於試下變咗放題之後 質素會唔會即刻下降咗🙈有兩種價錢選擇 弘大餐同江南餐主要分別就係江南餐無需再加任何錢就可以任食和牛同任飲雪櫃入面嘅所有飲品但以嚟試下嘅心態嚟講呢 都係試下弘大餐睇下質素如何先弘大餐加$30就可以任飲1-2櫃嘅見5號櫃有唔同味嘅真露任飲其實都好令人心動😆韓國燒肉就緊係唔少得前菜同生菜啦放題亦已包任食爐邊蛋啦牛油粟米同埋芝士熔岩添對芝士控嚟講真係不得了🤤喺你落單前呢餐廳會主動上咗個牛肉拼盤先嘅話埋你知每種肉嘅名 食過好食就可以瘋狂encore啦呢拼係筆者encore嘅肉 質素一樣係咁好唔駛擔心只有第一round好食嘅問題🥳牛肉嚟講筆者最推介和牛金展 唔算係大路貨但口感同味道都無得頂阿除咗牛肉其實仲有其他肉類同配料嘅不過筆者嗌得唔多 因為都係主打食牛😛除咗燒肉 仲有好多韓式料理揀熟食嚟講唔係話好特別 不過都係好食嘅過下癮係幾好嘅驚齋食肉唔夠飽嘅過仲有啲飽肚之選份量都唔細㗎 細食嘅人就就住嚟嗌喇😆總結嚟講筆者對成餐都好滿意Oppa嘅質素無因為變咗放題就跌晒watt服務食物環境價錢都令人滿意嘅5位以上仲可以食兩個半鐘

店內裝修充滿韓式風格，牆上壁畫以及枱上嘅餐具都令我好似去咗韓國嘅燒肉店一樣，而且地方都算闊落放題有兩個唔同嘅價錢選擇，我哋就揀咗價錢平啲嘅弘大燒肉放題$238/位，包括有前菜、肉類、小量海鮮、韓式料理同野菜任點任食，另外+$30任飲汽水，其實好抵食😋用餐舒適牛肉拼盤好精緻，拼盤上有不同部位嘅牛肉，方便我哋可以全部試食完後再單點鍾意食嗰款。而我覺得最好食嘅係霜降小牛排同和牛金展。🔝霜降小牛排（上圖左）肉質鮮嫩，帶有小小油脂感，牛味亦濃郁。🔝和牛金展（上圖右）脂肪小，食落好爽口。🔝燒到脆卜卜，加埋蒜片同生菜好好食。🔝前菜：泡菜、芽菜、海帶都好好食😋🔝炸粉唔厚，肉質嫩滑多汁，任食嚟講算高質，食完會再想食。🔝飯卷好凍，好似放咗好耐咁，味道一般。🔝真露蜆湯🔝+$30任飲汽水只包括1+2號雪櫃內飲品🔝落單紙

近排天寒地凍，約朋友食飯梗係去食D 暖笠笠既美食啦，去打邊爐或韓燒一定係首選! 大埔朋友又有好介紹，約我哋去幫襯Oppa餐廳👻我哋揀左$268 蚊既套餐，套餐包括頭盤（各部位嘅牛肉）、前菜、各款肉類、海鮮、野菜、韓式料理同埋雪糕，食物質素唔錯😋牛肉拼盤：木盤係一隻牛嘅形狀，好可愛😻唔同部位既牛就切好放上去😋 有牛柳粒﹑雪花牛肉片﹑牛肋骨、牛腩肉及牛肩肉等等，每種款式有3件，如果3個人來食就啱啱好一人一件，牛肉夠新鮮而且雪花均勻，唔會太油膩，好好味😽食韓燒又點少得五花腩? 先燒五花腩，包埋蔬菜食，加埋D kimchi!! 簡直以為自己去左韓國!!五花腩：五層肉層次分明，肉質鮮甜美味👍🏻其他任點燒物，質素不錯😋部隊shake shake 飯：超好味😻😋有kimchi, 芽菜﹑午餐肉仲有生蛋，當然仲有韓式美味醬!! 炸雞：即叫即炸熱辣辣，味道唔會太咸，配上酸甜醬真係正😻😻😻

天朗氣清萬里無雲嘅日子，最啱就係燒嘢食。一早已經約好曬成班有大有細入大尾督，諗住由晏晝燒到夜晚，仲可以係個大空地旁邊親親大自然。點知今日一家有流感，另一家又話突然有急事去唔到。所以期待已久嘅BBQ就臨時取消咗啦。剩返小貓三四隻，入去又無癮，唔入又掃興，企左係大埔唔知點好。既然一場嚟到就決定大埔一日遊，首先掃左大埔街市食亞婆豆腐花，然後去大埔鐵路博物館，再去埋大埔農墟，最後去咗大埔直街搵食，因為今日本來plan 左燒嘢食，為咗唔想令大家咁失望，所以我哋都係揀咗韓燒， 都係燒啫。全場都係而家最興的韓式圓形燒烤枱＋油桶櫈。我地由於早入場仲可以坐到卡位，好大好舒服。牆壁以街頭塗鴉藝術作為裝飾，好特別。韓烤任食兩小時 $238，小童同長者半價，唔貴噃。响我地仲硏究緊 order 紙的同時，侍應已經上左一隻牛俾我地。冇錯！ 真係成隻牛上！原來果個係佢附送的頭盤已經包左九款牛， 有A4 黑毛和牛肩肉、A4 黑毛和牛三角腩、澳洲和牛下腹腩、澳洲和牛脷、封門柳、鹿兒島牛柳粒、加拿大牛排骨、無骨牛肋肉同埋美國牛小排。即係一盤入面有齊唔同國藉唔同部位的靚牛俾你試，仲要每塊都油脂閃閃，未燒就知正！果然D牛好有