磯の水產

Open Now

Now Closed

🌊位於觀塘海濱旁，天氣冇咁熱嘅時間餐廳會打開落地玻璃，海風吹過黎都幾舒服幾chill, 好啱過黎同朋友飲幾杯同食串燒。裝修好有日本居酒屋風格，有酒桶同唔少清酒佈置。🍣特選壽司拼盤 $328三文魚、帶子、油甘魚、大拖羅、海鰻、海膽、牡丹蝦，左口魚邊壽司鮮甜肥美，醋飯溫濶調味出色最鍾意帶子同牡丹蝦，牡丹蝦大大隻，口感清爽甘甜。帶子好大粒飽滿，色澤雪白，鮮味濃郁。🐔炸明太子雞翼 $68雞翼釀左明太子，外皮炸得香脆，食落微辣香口，雞翼唔算大隻但食得出做得好精緻！仲會切粒上，賣相靚又方便食。🐟燒花魚一夜干 $128去居酒屋好啱叫呢d咁日式又啱送酒嘅菜式一整條花魚燒得好香，經鹽漬後魚味鎖住係魚肉內，就咁食都唔會好咸。同埋我呢d怕魚骨嘅都好輕易食到🍜牛肉烏冬 $88牛肉上枱時半熟，可自由淥到適合嘅熟度，牛肉超嫩滑，食得出係高質嘅牛肉。烏冬好幼滑彈牙，湯底睇落唔清但食落夠晒濃味，野菜同紅蘿蔔絲都浸到入味。整體食材同食物都高質，食飽飽仲可以去對面海濱公園散散步。

位於觀塘海濱道嘅居酒屋，餐廳面積唔算好大，但勝在寧靜舒適，而且望到觀塘海濱小小景色。辛辣炸豆腐 $68前菜炸豆腐，份量唔算好多，但係外脆內軟，熱辣辣。飛魚籽沙律 $68滿滿嘅飛魚籽，撈埋青瓜絲同蟹柳絲，簡單但好食嘅日式沙律。炸芝麻雞翼 $68香脆可口，芝麻香味加上檸檬汁，送酒小食必點。壽司拼盤(7件) $188精選7款新鮮嘅壽司，吞拿魚、油甘魚、三文魚等等，魚油油脂感好豐富。清酒煮蜆 $98大大份煮蜆，加上清酒煮出黎香味十足，而且啲蜆食極都仲有咁，湯好好味。牛肉烏冬 $88相比起海鮮類，牛肉烏冬相對上冇咩驚喜，不過份量都幾多，都抵食。蜜瓜汽水 $68櫻花汽水 $68Overall黎講，CP值都唔錯，特別係好怕地鋪居酒屋會好多人係街到望住你食飯，海濱好處係夜晚人流相對上冇咁多，而且玻璃窗穿透感令到整體環境好舒服。

觀塘海濱原來有間咁高質既居酒屋🏮環境寬敞，天花有啲日式燈籠，居酒屋氣氛濃厚。我地坐窗邊，感覺好chill ～▫️炸櫻花蝦沙律 ($78)櫻花蝦沙律第一次食，沙律菜新鮮，撈埋脆卜卜既櫻花蝦同胡麻醬一齊食味道唔錯。▫️加洲卷 ($68)每件都足料同大份，滿滿既蟹籽佈係加州卷上，入面係蟹柳、牛油果、蛋、青瓜絲，口感豐富，壽司飯亦有香醋味，味道整體唔錯。▫️雞肉丸串 ($78)▫️冬菇串 ($38)▫️金菇牛肉卷 ($68)金菇牛肉卷醬汁濃郁；雞肉丸串出色，軟熟唔會燒得硬崩崩，撈蛋黃食仲滋味；冬菇串燒得香，加上七味粉辣辣地更好食。▫️燒銀鱈魚 ($128)銀鱈魚好嫩滑，有種入口即溶既感覺，燒得好靚好香完全冇鯹味。▫️日式炒什菜 ($78)炒什菜有椰菜花、金菇、鴻喜菇、胡蘿蔔絲，大碟又健康，營養價值高。▫️牛肉烏冬 ($88)牛肉湯香濃，牛肉片份量都唔少，烏冬係稻亭烏冬，幼身啲滑溜啲，大大碗兩個人share都可以。玄米茶好香好飲！

早前同朋友嚟過「海濱滙」食晏順道行一行觀塘海濱公園 偶然見到呢間居酒屋「磯の水產」，門面好大，外觀望上去又甚具和風，睇睇價錢又OK喎。約咗個晌觀塘做嘢嘅老朋友食飯，佢話想趁福島核癈水傾倒前食餐日本嘢，就想起呢一間屋酒屋喇。 由牛角頭站行過嚟我覺得OK嘅，對比上次，夜晚嚟單喺門面，望上去更有氣氛，而踏進餐廳內，確喺一室日式居酒屋風情，除咗天花嘅燈籠、牆上嘅掛畫，一排清酒酒櫃亦可以叫喺打卡位。此外，仲有一來地方大，二來樓底高，令整體嘅感覺非常舒服。 最有趣喺，有個位置直情做成壽司吧枱，可以一邊睇住師傅整壽司，一邊嘆刺身、壽司，有啲似食廚師發辦嘅感覺。 順帶一提，每個位下面都放有一個大竹籮，俾客人俾袋、擺雜物。 基本嘅調味、用餐小工具都已經放晌枱面，但最吸引眼球喺隻日式瓦杯，非常別緻，加上保溫好，飲住暖暖嘅玄米茶感覺寧舍舒服。 作為一家屋酒屋，食物選擇當然十分之多，如浜燒海鮮、佐酒小食、刺身、薄切魚、壽司、手卷、天婦羅、串燒、一品料理、烏冬……等等，而酒類飲品就更加唔少得啦！左口魚薄切刺身 $188先來一道季節魚薄切刺身，呢期嘅季節喺左口，其實喺咩都無所謂，叫得季節信佢喺好嘢嚟。睇住成碟刺身

宜家喺海濱呢一帶有越嚟越多隱世小店，呢間喺觀塘海濱附近，氣氛恬靜舒服，而且仲有好大既落地玻璃，景觀開揚～ 入面仲有幾多既紅色燈籠🏮同紅、藍、黑、白既串旗裝飾，另外一邊仲放左幾多清酒🍶tim, 幾有日式風味～ 野食都唔錯，可以慢慢坐～(5 😍 係滿分，🤩係半分）刺身拼盤 🍣 - $328 (好味指數：😍😍😍🤩)吞拿魚：顏色比較深，油分比較少但係無筋，幾細膩香滑，魚味幾濃郁三文魚🍣：肉質細膩，肥甘味美，肉嫩油豐，真係唔錯～ 深海池魚：脂肪比例適中，質感爽口鮮甜，色澤透明光亮～油甘魚 🐟：幾厚肉得黎質感嫩滑，咬落有幾豐富既膠質同埋油分，入口即融，清爽鮮甜🤤帶子⚪️：幾厚肉，質感軟糯得黎有啲彈牙，望落有光澤，味道幾鮮甜加州卷 🦀️🥒🥚🍣 - $68 (好味指數：😍😍😍😍)加州卷係一個大家都好熟悉既卷，出面有卜卜脆既蟹籽🟠，入面有軟綿鮮甜既蟹柳🦀️、清新爽脆既青瓜絲🥒、香甜既雞蛋🥚同埋香脆既紫菜，今次既卷仲加埋軟滑creamy既牛油果🥑 tim~ 口感夠晒豐富🤤 配埋酸酸甜甜既蛋黃醬🟡就更加開胃～豚肉蘆筍卷 🐷 - $68 (好味指數：😍😍😍😍)平時唔多見蘆筍用黎整肉卷，今次感覺都幾好，令到個卷更加清

喺觀塘海濱公園附近搵到呢間隱世日式餐廳🏮 餐廳有少少居酒屋嘅裝修同感覺 有各式各樣嘅日式食物😙鱈魚乾呢碟真係好啱送酒食 雖然冇叫酒 但係都好適合做前菜 因為真係幾香脆 側邊仲有蛋黃醬配🐟火龍卷呢個炸蝦卷上面有辣辣哋嘅千島醬 所以都幾惹味 入面嘅炸蝦 蝦肉彈牙 外層炸粉唔會好韌🍤 香辣吞拿魚卷外層包咗層米紙 食落口有啲似越南米紙卷 仲好靚添 有唔同嘅顏色🐠 入面係吞拿魚粒粒 都幾飽滿串燒牛舌串 比較有咬口 有好濃嘅黑椒味 都幾厚切👅 豚肉蘆筍卷 豚肉包裹住蘆筍 整個配搭唔會太油膩😙牛肉烏冬烏冬好彈牙 非常有驚喜🐮 牛肉肉質較瘦 冇乜肥膏 啱晒健康人士呀😎 幾大碗 夠晒飽肚😛日式炒什菜食日本菜我就幾鍾意佢嘅調味 又想健康啲就嗌咗呢一個炒蔬菜🥬 入面有金菇 椰菜 本菇 洋蔥等等嘅配料 醬汁甜甜地加埋面頭嘅芝麻已經好香😝菠蘿雪葩上碟嘅方式好靚 原個菠蘿咁上 啱晒打卡🍍 質地比較堅挺 就算夏天咁熱都唔會極速溶晒🍦 雪葩味道好重菠蘿香 酸酸甜甜仲有果肉係入面😍 大推呢個之前真係冇留意到呢間高質日式餐廳 下次再嚟觀塘食晚飯又多一個選擇啦☺️

有次喺觀塘海濱散步見到間新開嘅水產店 裝修都幾日式🏮而且落地玻璃望到海旁都幾好feel❣️刺身沙律 $158見到個size有小小嚇親 原先仲諗緊咩沙律咁貴 點知道有三文魚 吞拿魚各三塊仲要系super厚切 魚肉肉質柔嫩 油花平均 同蔬菜嘅鮮甜一齊食勁開胃❣️壽司拼盤(7件) $188即叫即握 絕對唔系機出壽司飯🍣師傅話每日都供應唔同嘅新鮮水產 而今日有(由左至右)1吞拿魚腩 2間八 3三文魚 4帶子 5火炙左口魚邊 6海鰻 7飛魚籽 件件大嚿到可以分兩啖 而且切工大方 塊塊有返咁上下厚度🤏🏼除咗刺身本身夠新鮮之外 部份壽司上面亦都有topping 唔系單單就咁一舊刺身一舊飯咁齋 食落更添層次✨❣️蛋王醬焗蠔(兩只) $98熱辣辣啱啱焗好嘅生蠔🦪加上有啲似千島醬嘅蛋黃醬 酸甜又帶芝士香代替左咸咸嘅海水味 而且蠔肉唔算細 咁有特色嚟到真系要試嚇❣️豬腩肉串 $68雖然系叫豬腩肉但其實唔系好肥㗎咋 油光折射賣相相當吸引灑咗調味粉嘅肉質略帶甘咸 而脂肪位置燒出油香 豬味濃郁❣️牛肉烏冬 $88裝到滿瀉嘅牛肉吸滿湯底精華 湯底淡淡地但鮮味十足洋蔥蔬菜紅蘿蔔增加營養

今日放工之後朋友過嚟搵我食飯，我哋就沿着觀塘海濱搵食，見到有一間新嘅居酒屋「磯の水產」。咁鍾意食日本嘢俾我哋二話不說走入去試吓👏！發現佢哋餐牌都非常多選擇，刺身、手握壽司、串燒 同 浜燒，真係樣樣都想叫。🐟刺身拼盤 5 種 (💰$268)油甘魚、劍魚腩、三文魚腩、帶子、吞拿魚油甘魚肉質幼滑，劍魚腩肉質柔軟鮮，甜美味又大隻！刺身性價比非常之高！因為”浜”，所以真係好新鮮，而且勁厚切，食完之後更加思鄉，點算！！！ 🍣上壽司拼盤(7件) (💰$168)壽司上面嘅刺身同拼盤嘅一樣都係好新鮮，重有一件係漬物，夠特別🤭呢度嘅壽司係手握，唔係用機做好過飯底。呢個價錢可以有7件手握壽司，加上食材夠晒新鮮，絕對唔係連鎖店質素可以比較，性價比唔錯。🍢雞肉丸串燒 (💰$58)  + 🍢小青椒串燒 (💰$38)雞絞肉外層微焦，咬落幼嫩多汁而且有雞肉香。雞絞肉造成長條形，方便入口，而且軟硬適中，唔會實得得。沾上濃郁的生蛋黃同混合醬料，好滿足🤤日本小青椒，帶來少少辛勁，幾醒神。唔食得辣嘅朋友都可以試吓。🍜牛肉烏冬 (💰$88)男人點都要有飯麵先至飽肚嘅，我就揀咗個牛肉烏冬。牛肉份量非常多，唔夾開都見唔到下面嗰啲野