韓國屋 (Closed)

今晚想食韓國野，於是同老婆去咗商場 Food Court 間 <韓國屋>。人蔘雞湯 $68 - 餐除左有參雞湯，另外仲有一碟小芽菜、小泡菜同一碗白飯。泡菜夠香辣爽口，係個唔錯嘅開胃前菜。人參雞湯份量都幾大~ 先試啖湯，雖然入面放有人參同，但人參味並唔突出，味道唔濃，只有好淡好淡嘅人參味。反而雞肉算唔錯，肉質腍。牛肉紫菜卷 $35 - 紫菜卷有八件~ 紫菜唔似日式壽司咁脆口，入面包住青瓜、醃蘿蔔同牛肉。微暖嘅珍珠米軟硬適中，有咬口。青瓜、醃蘿蔔爽口，但牛肉份量唔算多。 紫菜卷外層灑上芝麻粒，增加香口。

今日，黎到大本型food court，我其實唔鐘意food court，因為太多選擇，對於有選擇困難既我，真係好頭痛架。大本型既food court算新淨，人流唔多又夠大，所以好多位任坐。行完一個圈之後，幾經辛苦，決定食泡菜國既野食。本來想叫個石頭窩飯，賣單既一刻，俾我見到有我最鐘意既紫菜包飯！我即刻改變主意，點左個紫菜包飯過下口癮。牛肉紫菜卷一條長長既紫菜卷，切開大概有十舊左右。紫菜卷以珍珠米包住青瓜，韓國酸蘿蔔，紅蘿蔔和牛肉，在紫菜卷外面再灑上芝麻粒，增加香味。紫菜卷既米飯有咬口，夾起不會很易散開，材料新鮮，青瓜蘿蔔食落十分爽口，牛肉軟腍帶點甜既燒肉汁味，食落仲係暖既，和其他攤涼左既材料形成對比，好似係南大門食既紫菜包飯既味道呀！好懷念，極速食晒！