饞。台式食堂

Open Now

Now Closed

餐廳：饞。台式食堂地點：尖沙咀K11 Musea菜式：台灣野餐牌：幾款麵，飯，小食，原盅燉湯，茶飲，沙冰，咖啡。用QR code落單。牛肉麵 $78牛肉麵湯底我揀左原味，仲可以加$2揀四川麻辣。原味湯味道唔錯，完全唔油，感覺好正宗。有牛肉三舊幾，算腍而啖啖肉，仲帶少少肥膏。個麵係陽春麵，幼身又有咬口，都唔錯。配有生菜，入味紅白蘿蔔各一舊，同好多甜甜地既鹹菜，另外灑上蔥花。碗麵熱辣辣，食完暖笠笠。炸物拼盤 $71炸物拼盤好豐富，有椒鹽花枝丸3粒，好彈牙；府城蝦卷6條，外脆而內彈牙；甜不辣份量好多，味道甜甜哋，口感煙煙韌韌；雙色地瓜QQ球6粒，地瓜味唔錯，甜甜哋。炸物熱辣辣炸起，伴有甜酸醬可降溫。芝芝芒芒同芝芝蜜桃大大杯，面頭係滿滿一層芝士奶蓋。芝芝芒芒 跟餐加$35芝芝芒芒呈淺黃色，味道天然帶芒果香甜味，伴少少鹹香芝士奶蓋正呀！芝芝蜜桃 跟餐加$35芝芝蜜桃呈淺粉紅色，蜜桃味都好好飲，味道唔錯！今餐食物質素唔錯。餐廳裝修光猛新凈，座位及格。平日午市都好多食客。

喺尖沙咀k11 museum行街去到food court好多人呀😅肚餓都要醫肚㗎😁而喺food court有條路轉咗再直行原來仲有一個好隱蔽嘅food court，而且冇人架Yeah! 估唔到嘅係啲人圍住曬喺電梯樓下個food court真係傻呀😂，原來呢度先至係寶藏呀💯💯💯呢度有台灣嘢食台灣嘢食出面，有韓國嘢食冇人坐㗎真係奇怪喇😅可能係因為啲人實在太專注喺出面嗰個大food court啦🤔台灣炸滷排骨飯， 嘩個豬扒好正脆卜卜軟淋淋好juicy 仲有嗰啲滷肉撈埋落啲飯度真係好好味成碗都可以食曬呀💯💯牛肉麵超彈牙牛肉汁好正牛肉一樣係juicy咬落去軟淋淋好好味嘅👍👍炸物拼盤 ，好多嘢食架， 椒鹽甜不辣好惹味最鍾意佢煙煙靭靭嘅感覺 ，椒鹽花枝丸彈仲有啲花枝喺裏面“正”呀😋雙色地瓜QQ球 ，有紫色同埋黃色😊紫色當然係紫薯啦好好味架而黃色當然係番薯都一樣弹牙好味，而府城蝦卷“正”呀脆卜卜又惹味抵食呀！🎊💯三寶奶茶，呢三寶係仙草椰果同埋珍珠呀，超好飲👍👍蜂蜜柑桔檸檬 好香柑桔味好正好清甜💗💗饞。台式食堂(尖沙咀店)尖沙咀梳士巴利道18號維港文化匯K11 Musea B2樓201號舖

今日放假去左尖沙咀行下，夜晚行到黎MUSEA，想食餐平平地（因為接近糧尾XD），上Openrice睇下，好似幾多好評，就過黎試下啦！佢位置比較偏，喺foodcourt再行前少少。一般台灣食店有既，呢度都有！因為仲未病好，所以今次冇揀熱氣野！外表冇乜特別，但食落都好味，所有野都好入味！牛肉好林！湯底好濃，食到最後感覺到有好少好少辣！😋同行既朋友揀左呢個麵食！我試左一啖湯，好濃既藥材味，我好似食到當歸味🤨 唔係我杯茶！！同行朋友話幾好食，d雞好淋！店員用左我地張點餐紙黎接左個兜比我地裝骨😂 呢個idea又幾好！下次可以再黎試下炸野！🤔🤔