肥哥哥餐廳 (Closed)

自鈞一居結業後...係大埔覓食又少左個好選擇...不過呢一區真係好多好多又抵又好味既小店今次搵到呢間肥哥哥餐廳就係一個好例子~!! *v*意想不到地, 餐廳內部裝修得幾靚@@....燈光偏暗, 有少少高級西餐廳既氛圍, 地板同牆身都走水泥工業風既簡潔路線~最重要既係枱與枱之間有足夠既空間分隔, 提升返私隱度^.^食物選擇唔少呢~~ 有漢堡, 薄餅, 意粉, 沙律, 海鮮同扒類, 樣樣都好想試..好難抉擇=DDD好彩同行友人已經幫襯過幾次, 由佢黎揀出心水食物~~一落完單餐湯已經即刻送上, 係熱辣辣既牛肝菌忌廉湯未飲已經聞到好出既菌香味~ 飲落更突出, 湯質好幼滑不過我個人鐘意口感更加creamy, 濃厚既西湯~~朋友推介的 黑松露醬蘑菇闊條麵 $62 (份量: 8/10, 味道: 8/10)同岩岩飲既湯好似有少少似.... 哈哈哈無諗過呢個價錢會有咁大份, 好充足既麵條同蘑菇!!黑松露醬味道好濃, 而且非常creamy呢!! 亦都食得到牛油既香味味道濃得黎醬汁唔會over地多, 唔會咁易食滯, 非常適中 : )香煎紐西蘭西冷牛扒配燒汁(或黑椒汁)配薯菜(或飯/意粉) $68 (份量:

因工作關係，開幕日未能到場祝賀，萬分抱歉。今晚相約幾位朋友仔齊齊到肥哥哥幫襯，我係第 1 個食客到場架。裝潢骨子整齊，用色和暖帶點歐陸格調，密度未算太高，有一定的私人空間，而且還設有樓上雅座呢。我七點已經座低左喇，但朋友們倘未到達，已經將 menu 翻弄過好幾遍了，亦已諗到要 order 什麼菜色，只需朋友們讚成便可。細閱每份 menu，盡能力想找一點特色又特別既佳餚。前菜、小食、主菜、例湯都有，想有多幾個湯選擇呢，有甜品就更高興啦。提供雞、鴨、牛、豬、羊、魚、沙律、薄餅、意粉、等等，款式都夠廣泛。我們一行兩男兩女，兩個湯連兩個餐包先到，當然 lady first 啦，另兩個湯隨後就到。何解女既有包、男既無呢？左望右望，莫非一個包係兩個人分的嗎？對面檯兩個人都有兩個麵包喎。原來真係漏左，飲完碗湯個包剛剛到步。牛肝菌忌廉湯，夠熱夠開心，好味道。質地幼滑，菌味清香而突出，菌味可以再濃厚一點。餐包，創意無限夠晒 heart ﹗並不是微波爐翻熱產品，而係烤爐即烤翻熱，烤氣迫人更提升麵包香氣，外脆而裡面軟塾無比，還瀰漫著烤香蔥芬芳，非一般餐包。整塊牛油塞入中間，良久半溶咸香甜甜，出類拔萃！香辣大