壹壹漁一 (Closed)

成個月冇打過邊爐，好辛苦，今晚一定要嚟打一打！牛腩牛筋鍋 ($288)上次嚟試過胡椒豬肚湯底，今日試吓呢個。上菜前先用慢火燜兩個鐘，食落極之軟腍，湯底好清一啲都唔油，每一舊牛腩都癡住啲筋，一啲都唔癡牙，口感仲非常順滑添！個湯好清甜，甜到唔捨得用嚟打邊爐，就算加湯嗰陣都係加自家煲製嘅雞湯，好好飲呀真係！！！！！！！日本蒜香清酒煮蜆 ($128)飲完湯就睇表演，店員先將個鍋加油煮熱再爆香蒜蓉及蔥，香到呢！！！！！之後加入蜆及清酒，香到想未煮熟就食喇！跟住再點火，有晒視覺及味覺效果！好快啲蜆就開晒殼了，每一隻蜆殼入面都藏滿蒜蓉及蔥，再飲少少清酒，係10級好味。只係$128，又即場煮，鍾意食蒜及清酒煮蜆嘅一定要食呢個！糟滷冰鎮醉蝦 ($98)原來糟滷係上海菜中經常用嚟醃食物嘅滷水，由陳年酒糟之中提取糟汁後，加入辛香調味料做成。食起上嚟涼浸浸，夠晒醉但味道唔會太搶，蝦夠晒新鮮，食完嗰種回甘真係忘不了！燻蛋 ($76)店員推介呢個加咗椒鹽嘅燻鴨蛋，賣相好靚色澤光亮，中間嘅黃係半凝固㗎，蛋味比普通雞蛋濃郁，椒鹽又再帶出蛋味，勁好味！七味炸魚皮 ($68)上次食過之後好難忘嘅魚皮，今次一定要再enco

之年前去食咗一次，好有驚喜之，又心思思想去試，人唔係好多，所以比咗張4人枱我哋，去到除咗睇Menu之外，亦都問咗有無好介紹，店員介紹咗些未落menu 嘅新菜介紹，今次都唔例外，仲試咗好多新菜添槽鹵水冰鎮醉蝦 ($98)很喜歡食蝦，一碟有4大隻，店員好細心，比埋刀义你去蝦殼，仲有濕紙巾添，一入口，酒味合到好處，蝦亦彈牙爽口薰蛋 ($76)其實係薰鴨蛋，所以比較大隻，蛋上面仲灑上胡椒鹽，蛋黃溏心又香滑，蛋白一點也不硬，同胡椒鹽好配合，蛋下面仲有一片好靚嘅蓮藕片牛腩牛筋鍋 ($288)材料好豐富嘅牛腩牛筋鍋，出奇哋多牛筋，好  like，仲有好多京蒽同杞子，佢本身已經燜咗兩個鐘，再煲滾先拿出來，所以好快就滾，當然要飲咗個湯先，好清甜，店員話個湯係魚湯，唔怪得咁甜喇，至於牛腩牛筋，都好淋，好入味，食到咁上下，就準備打邊爐喇日式蒜香清酒煮花蛤 ($128)食緊牛腩牛筋嘅同時，店員就响隔離個爐準備即場煮日式蒜香清酒煮貝，蒜同蔥都好大碗，先燒熱油，再加入蒜，聞到蒜香就加入蔥，爆香一陣之後就加入花蛤，之後店員倒入大量SAKA，直至蓋過所有材料，煮一陣之後就點火，佢話燒過嘅花蛤更鮮甜，等個火熄咗之後，煮