pho.dle.bar

Open Now

Now Closed

因為下午諗住去西九文化區的關係，所以午餐揀左係Elements食。開openrice見到cafe deco的餐飲券做緊九折，200蚊券只賣180，Cafe deco group 係elements有好幾間分店，朋友話想試下越南菜，所以試左呢間pho。今日是星期六2點鐘，但都有4，5張枱係前面等緊。等左大約25分鐘，終於排到，但入到去餐廳就覺得好奇怪，其實入面有好幾張吉檯未有人坐。係因為人手唔夠還是其他原因就不得而知。座位都闊落，但張枱是不穩陣，成餐飯都發出e e 聲，好似搖搖板，睇得出餐廳硬件係日久失修，最少檯底放個紙皮頂住先都無。我叫的是牛腱湯河粉$88。賣相不俗，好大塊香葉和多芽菜，湯底都好濃，問題是個牛腱，好韌。 有兩塊係咬唔開。 最後埋單未用計優惠$264。星期六日係圓方食午餐呢個價位合理，如果座位安排得好啲，設施維護得好啲，這間餐廳算是唔錯的選擇。