Video
Read full review
2013-11-17
101 views
成語「膾炙人口」相信好多人都聽過，「膾」指切細咗嘅肉，「炙」意謂烤、燒，原本嘅典故喺借用美味好食嘅烤肉，人人都鍾意食，引用比喻好嘅詩詞受到眾人稱讚和傳頌。之後，就衍生成用依個成語嚟形容一件好受歡迎嘅事物，又或形容一樣嘢好為人讚賞。今晚，嚟到灣仔謝菲道嘅「黑炙」，品嚐其日式串燒，睇睇「膾炙」入口，能否做到膾炙人口 ！單睇門面，深灰色雲石牆身，襯以一粒粒波浪紋木條，配上石英射燈，已型格十足，原來粒粒木條喻意師傅做串燒灑鹽時嘅動態 ，所以，入到室內，天花之上，如出一徹，做出同樣效果，既有藝術感，又有立體動感，甚有心思而富風格嘅裝修。整間店舖唔算好大，一入門口左邊喺開放式廚房，有數個吧位，再轉入去就喺一字長形大概有20個位嘅主廳，另外仲有一個箱房，可以坐上8人。正所謂「功慾善其事，必先利其器！」要做好啲串燒，硬件當然重要，不惜工本從日本訂製購返嚟高達攝氏千多度嘅烤爐 ，輕易將食材嘅肉汁鎖緊；加上師傅手勢嘅配合下，透過燒烤時間嘅長短，做出不同效果 。最特別喺店家嘅所有串燒堅持唔醃，希望讓客人一嚐原汁原味，除黑、白胡椒以外，主要就喺採用日本直送嘅竹炭鹽調味，何謂「竹炭鹽」 ？小弟見識少，
單睇門面，深灰色雲石牆身，襯以一粒粒波浪紋木條，配上石英射燈，已型格十足，原來粒粒木條喻意師傅做串燒灑鹽時嘅動態 ，所以，入到室內，天花之上，如出一徹，做出同樣效果，既有藝術感，又有立體動感，甚有心思而富風格嘅裝修。整間店舖唔算好大，一入門口左邊喺開放式廚房，有數個吧位，再轉入去就喺一字長形大概有20個位嘅主廳，另外仲有一個箱房，可以坐上8人。
正所謂「功慾善其事，必先利其器！」要做好啲串燒，硬件當然重要，不惜工本從日本訂製購返嚟高達攝氏千多度嘅烤爐 ，輕易將食材嘅肉汁鎖緊；加上師傅手勢嘅配合下，透過燒烤時間嘅長短，做出不同效果 。
最特別喺店家嘅所有串燒堅持唔醃，希望讓客人一嚐原汁原味，除黑、白胡椒以外，主要就喺採用日本直送嘅竹炭鹽調味，何謂「竹炭鹽」 ？小弟見識少，都喺第一次認識這種材料，借用餐牌內頁嘅描述，佢就喺「以含豐富礦物質的日本深海鹽為原料，放進生長三年以上的青竹筒，以松木為燃料，加上黃土製成的窯，經過三整天以攝氏1,000-1,500度高溫燃燒後提煉出來的食鹽。竹炭鹽不但含富礦物含量豐富，並具抗氧化及排毒功效。日本人相信竹炭鹽有助釋放人體正能量，提升免疫力。」 此外，店家亦另備一小罌竹炭鹽供客人使用，方便一啲想重味啲嘅客人。
前菜小食（6款）枝豆（$38）：有啲似間場嘅花生，咬開中間嘅豆粒，腍腍哋，鹹鹹哋，串燒與串燒之間不停咁食；
沙甸魚乾（$48） ：以魚仔壓成薄薄一片再燒，好似食熨一片片餅乾，好鬼鬆脆 ，沾啲沙律醬仲好食；
麥粒味噌青瓜（$48）：青瓜粒好爽脆，加埋啲撈過味噌嘅麥粒，挺有趣嘅口感，不過面豉味頗鹹。
沙律（3款）紅菜頭大根沙律（$62） ：3款沙律之中，店方為我哋準依款備甚搶眼嘅沙律，以紅菜頭絲、白蘿蔔絲、紫蘇葉絲做成，紅紅白白綠綠，幼細晶瑩，絲絲盡顯刀功，入口極之清爽，清甜多汁，值得一試 。
海鮮（4款）白鱔（$45串） ：每串有3舊，幾厚肉，件件燒至肉香皮脆，咬落又滿口油香，微鹹而惹味 ，正呀！
肉類 （6款）牛舌（$48串） ：肉類一欄唔喺好多嘢揀，先嚟個燒牛舌，好濃味，有種彈牙又煙韌嘅口感，火喉掌握得好好；
豚肉露筍卷（$32串） ：是晚驚喜之一，因為初初望上去，以為只喺燒露筍，原來露筍之上包咗薄到透明嘅一層豚肉 ，所以，爽嫩嘅露筍中，有幾分鹹香油潤，故此喺小弟嘅心水推介之一。
以上數款，已叫人食得意猶未盡，但奈何想分享嘅相片太多 ，唯有下篇再續。下篇仲精彩，因為輪到介紹黑炙嘅手本嘢「燒鳥」 ，除多款雞鴨類串燒之外，仲有蔬菜、熱食等串燒，加埋食事（即喺我哋叫開嘅粥粉麵飯）及甜品，回想返啲滋味仲喺口中 ！
Post
