牛角次男坊 (東薈城名店倉) (Closed)

入到東涌, 竟然食咗牛角, 但食物味道有保證 食物 : 牛角次男坊丼 $97 ~ 打開餐牌, 立即見到這碗巨形丼飯, 而且還是NO.1人氣, 無理由唔試下, 丼飯嚟到真係如相片有很多燒肉, 燒肉味道好好唔好韌, 不經不覺食晒成碗丼飯, 好飽好滿足 飲品 : 加$13 配有味噌湯, 前菜及汽水, 味噌湯味道普普通通 環境 : 店內環境舒服乾淨, 但有很多一家大小的遊客, 比較嘈 服務 : 職員有禮貌 價錢 : HK$110

沒有晚市堂食，唯有外賣。上官網落單，揀好自取時間，計好時間去到門市好快就有得拎。燒牛舌丼（$68），牛舌爽口唔韌，加蔥絲食好夾。牛角次男坊丼（原價$86，外賣自取有78折，實收$67.1），牛肉比較普通，但醃製醬汁好好味，送飯一流。

嚟outlet行街，行到攰攰地想搵ｄ野食下，唔想食foodcourt 咁頹，見到牛角飯就決定食佢!3個人1人1個飯，一直都好鍾意牛角個牛舌，所以叫咗個燒牛舌丼 $68。朋友1個想食豬就叫咗個豚肉丼 $76，另1個話要高d就叫咗有16cm高嘅牛角次男坊丼 $86。平時都唔會點食飯，但佢個牛舌飯配埋d汁，真係可以令我掃晒碗飯，牛舌唔會韌又香。之後再偷食朋友嘅西班牙豚肉同牛腹腩，d 肉真係幾好，但我似乎係最鍾意個汁，撈飯真係好正呀！每碗飯份量都算多，食飽叉足電再行過💸

今日黎到東涌東薈城名店倉，個肚餓餓地 見到呢間「牛角次男坊」好熱鬧，一於入去試試先「牛角次男坊」位於名店倉7樓，裝修幾靚，座位都好舒服呢間餐廳主力賣燒肉丼飯餐點款式都有好多選擇， 呢間餐廳係先付款落單，然後店員會俾個牌仔，稍後店員就會將餐點拎到你面前。今次我揀咗燒牛舌丼($68)同埋牛角次男坊丼($86)， 餐點加8蚊會有埋味噌湯同飲品。兩款丼飯都好好味，分量好大，d燒肉同牛舌滿滿咁蓋住個丼飯，勁滿足呀！大家路經都可以一試！

今日返工前同親愛的C父食大Tea, 我指定要食牛角(因為我未食過li隻丼飯嘅香港分店version), 電梯上到7樓, 枱與枱之間都分得幾開, menu係宣傳單張style一頁幾摺過, 揀好就出返門口cashier柯打.🐮特上牛角次男坊丼定食 (HKD128)見到係👉🏻美國🇺🇸產和牛好似好吸引🤤, 同menu張相一樣咁澎湃嘅燒和牛丼, 牛味夠濃好好味, 醬汁量適中啖啖飯YummY, 日本米真係零舍正. 但口感方面就無我想像嘅和牛感覺, 佢太實在了, 雖然完全無筋勁高質但就未有入口即溶嘅感覺, 反而覺得c父個啲牛仲正.🐮牛角次男坊丼定食 (HKD88)選用美國草飼牛腹腩, 肉同脂肪比例食起上黎口感嫩嫩的, 我地show左機場staff permit所以每人送一隻半熟溫泉蛋🤩, 相比起平時食嘅燒牛, 牛角次男坊係物有所值gei, 定食仲包汽水OR道地解茶呢! 🐮但都要講返句, 都係日本嘅牛角好食d架(無得去😫😭). 食完今餐之後, 下次唸起燒牛肉丼都會唸返起牛角👍🏻.🐮

是日同朋友係東涌行完山，已經體力大透支，決定係東薈城是但搵間野食。行上7樓，美食店鋪林立，意外發現原來呢到有牛角次男坊，早前一直想試荃灣分店，但長期都好多人，諗住等少人D再試，所以一直未有機會。既然今次黎到有機會，又唔駛等，就決定入內一試。場內位置唔算多，但可能我早黎，又未到食飯時間，所以空位較多。因為我地食完大約7:30左右，已經要等位了。呢到最出名係牛角次男坊丼，採用既係美國肩脊肉，定價$78包埋野飲，都幾抵食。D燒肉堆到好高，賣相已經十分吸引。肉質中規中矩，未算十分高質，但絕對對得起呢個價錢有餘。但重點係配既牛角秘製醬汁，佢隻醬同平時食牛角飯既汁有少少唔一樣，佢呢隻有少少微辣，食落十分開胃，同燒肉味道十分夾。男友選擇左豚肉丼$68肉質一樣屬中規中矩，未算十分嫩滑，全靠醬汁加持。豚肉丼飯配上窩蛋，感覺味道有再提升。價錢方面的確性價比甚高，以燒肉丼飯來說屬於中等級別，店內都有等級級別較高既牛選擇，定價都合理。丼飯可以一解燒肉癮，有時諗唔到食咩經過見到都係一個唔錯既選擇。

相信好多人都食過牛角但不一定有食這這間「牛角次男坊」因為暫時香港得兩間分店而且次次行過都要勁等位終於今日因為午餐時段而食到喇～😆.牛角次男坊丼 $93（星期一至五的12:45pm前/9:00pm後的優惠價是$78）是號稱16cm高500克重有如富士山般震撼的燒肉丼最外層是蔥花+芝麻+蕃紅花+美國肩脊肉裡面有吸收了燒肉汁的芽菜底層是珍珠米飯我自己會把碗邊的紫菜可以把肉+芽菜+飯用筷子做個小包飯，包起來食～.豚肉丼 $82（星期一至五的12:45pm前/9:00pm後的優惠價是$68）朋友吃這個是有蔥花+芝麻+蕃紅花+溫泉蛋+西班牙豚肉豚肉加上甜甜燒汁和溫泉蛋是絕配🤤.個次男坊燒肉汁說是有微辣惹味的確只是很輕微的辣怕辣的人應該都沒問題雖然碗不像看起來的深但其實分量很多而且每個丼都附送味噌湯又可以有自行拿取的飲用水都算是很不錯但模式有點像快餐店所以想同朋友可以輕鬆坐聊天吃飯就可能不太合適.牛角次男坊📍東涌東薈城名店倉7樓706號舖