喜來稀肉 (Closed)

天氣凍，最啱食熱辣辣嘅韓國燒肉 🇰🇷一入座已經見到所有配菜擺放好😀店員即刻喺爐邊加上芝士、泡菜同灌蛋漿整爐邊蛋😍我都急不及待scan QR code點肉🐮<<喜來烤肉>>($158)果然係喜來烤肉😂用番店名嚟命名係有啲料到!擺到好似一朵花咁靚之餘，醃製過嘅薄切牛肉肉質鮮嫩!用生菜包住嚿肉食，夠晒風味又減低油膩罪惡感🤪所有配菜都可以refill㗎!!我就最鍾意一塊肉~ 一塊酸蘿蔔咁食嘞😋<<牛護心肉>>($160)都唔錯!呢款牛冇被醃製，所以牛味出啲👍🏻油脂分布都好平均！<<蟹子紫菜飯團>>($50)兩個人share可以每人分到兩碗半左右㗎!!點解我會知呢個數字？😌因為我好有儀式感地撈勻晒啲蟹子、紫菜、飯同沙律醬之後，搓咗一個波俾男朋友試之後…佢表示佢鍾意就咁爬飯多啲🤣🤣🤣<<雪濃湯>>($100)相對地冇咁驚艷~~清清淡淡都係調劑吓重口味嘅一餐☺️如果有多啲粉絲仲好🤪Overall 嚟講：我其實最欣賞店員好主動換燒烤盤!我兩塊兩塊咁燒…幾乎係燒四塊左右就會換一次

仲未走得出香港嘅日子，今次要食返個靚韓燒當飛左轉韓國先！我地7點左右就到左，所以唔洗等位就入得啦！🤩 係有咁多好食side dish嘅情況下，兩個人食唔到太多，所以就叫左兩份燒肉同兩份熟食，就已經好夠飽！我最鐘意嘅泡菜蛋仲可以不停refill ahhhhh 😍😍燒肉分別叫左牛護心肉🥩、調味醬油雞肉🐥燒熱左個爐之後放護心肉🥩個下炸一聲，好正呀！！唔洗燒好耐就已經食得第一舊梗係食原味啦，好夠肉汁同牛味都好濃😍之後仲可以夾埋已經炒香左嘅蒜片加泡菜同埋韓式海鮮醬咁食啦！超級好食！至於調味醬油雞肉本身已經調好味，所以燒好咗就即刻食得啦！佢嘅調味做得好好，唔會好鹹，而且叫咗一份就有成大塊雞扒嘅份量，好抵食架！韓國人本身都好鍾意食完燒肉之後叫番個冷麵，所以我哋今次就揀咗拌冷麵啦！旁邊嗰支係醋，自己選擇落嘅份量就唔怕太酸啦！冷麵可以消除左燒肉嘅油膩感咁，所以好推介大家都叫一個試下！

好耐無去過旅行，今日放工就去獨食一下自我享受之間同同事去過尖沙咀的店，今次來旺角廣華街的店，這間在地舖的更寬敞更舒適，喜歡這邊的設計好靚，又一格格的更有獨立性，又乾淨舒服；服務員是韓國人，友善又有禮貌，會幫忙客人有午餐餐牌，選擇有湯有飯有麵，抵食之選！韓式前菜：微辣泡菜、泡菜沙律、酸青瓜紅蘿蔔、醃蘿蔔，與燒肉一齊食有另一番風味1. 午餐：石鍋拌飯熱辣辣又香噴噴上枱，有飯焦好香口，足料的拌飯，有紫菜碎、流心煎雞蛋、紅蘿蔔、菠菜、豆芽、豬肉片等，加入韓式辣醬，均勻拌好好健康又美味2. 牛護心肉選了推薦的牛護心肉，特別嫩口肉紋分明又新鮮，牛味香濃無筋易咬，好易燒好快食得；更有雞肶菇片，燒出汁就好好食；鍋邊的雞蛋烤熟後好香好滑，有泡菜的及芝士的蛋漿，不同感覺，正！支持支持地道餐廳，下次再來❤️

好耐以前食過尖沙咀店事隔多年，第一次試分旺角店水準都無跌過原本用open rice book 午餐時段12:45但早到的原因12:30到店剛開鋪，仍未有客人，下次都唔太擔心無位的問題用open rice 預定最好嘅好處，餐廳會send信息通知你嘅預定日期及人數外，亦可連結餐廳提供嘅apps ,㩒入去可以睇埋餐牌🍽，無需到時先諗食咩好嘅煩惱啦！服務方面，由於午餐時段，只見得一位侍應生所以大家都唔好太心急，要落餐或者其他要求，就盡量一次過講食物方面都好滿意🥰🥰🥰