101手工涮涮鍋 (Closed)

星期二晚同朋友去食，事前睇過食評同相覺得都唔錯決定試下la。$288一個人未計加一，呢個價比出面其他任食都貴，質素都應該有返咁上下掛。一行兩人上到去坐左張圓枱，前菜放左係枱麻辣雞絲同雲耳，味道都唔錯之後再叫多兩碟。叫左個三杯卜卜蜆，d蜆好細隻同埋份量唔多。主菜牛頸脊賣相唔錯，但淥幾秒就好，多左一陣都"un" 到咬唔到唔係特別好食一般吧。手工丸又黑松露又芝士咁，其實款款都差唔多味，係個形態唔同，個餃食落都特別出面好少見，不過個皮 “痴”住左，擺得太埋，一分開就好易爛🙈🙈🙈魚皮正常唔多講，個響鈴就大穫，真好大，但太大食落好唔方便，放落個碗好似成碗飯咁，食左一啖就冇食，好油😑飲品任飲試左三杯，第一杯可樂巨蜂提子沙冰唔錯，冰融得快要快飲唔係就好淡味。第二杯青蘋果冰茶冇相，唔好飲好淡好似飲凍水咁第三杯朱古力曲奇珍珠冰，飲落都ok 正常凍朱味。最後個甜品朱古力木糠牛乳布甸，嘩！呢個係成晚最好食，朱古力味好濃，好快食晒成杯。總括$288係唔值既仲要加一🙄🙄，都係食第二間好過！

這幾天天氣又熱又焗，空氣污染指數極高，一踏出屋企門口，已經開始出汗，連落街食飯的意慾都沒有，徧徧朋友們約去打邊爐。幸好店內冷氣頗大，並不感到熱。每枱有個獨立的自助醬料，都是的蒜辣椒葱。我們點了$288/位的套餐，包括任飲無酒精飲品。飲品款式眾多，有水果茶，可樂沙冰，珍珠奶茶等。巨峰提子可樂沙冰，很有美感，SIZE巨型，提子味跟可樂都幾夾。特濃朱古力珍珠，朱古加很濃味，上面有些OREO碎，但太多冰，越飲越淡。冬瓜卜卜蜆海鮮鍋，材料豐富，有蜆，冬瓜，豆卜等，湯底不咸，味道鮮甜。豬肉片切得薄，但有陣豬肉腥味，味道比牛肉差，肉質很腍。牛頸脊肉味濃郁，肉質嫩，很有咬口。炸魚皮及響鈴都很脆，但響鈴一碌落湯就散開，要輕輕地夾。手工火鍋拼盤有三款丸、兩種餃子及其他火鍋料。兩款的芝士丸內面都是釀了芝士，一碌即食會有爆芝士的效果，鮮打丸來說都比較硬身，不夠彈牙，蝦丸略為好食。牛丸味道普通，都是比較硬身。兩款餃子都是黑松露做，而黑松露確實很香，餃子皮煙韌，但肉餡比較硬。太極冬菇菇味香，但釀上去的墨魚膠都是很硬。任食紙蟹捧味道不錯，有肉絲。木槺奶茶布丁有很濃的奶茶味，但布丁比較稀，味道太甜。

尖沙咀嘅厚褔街差不多每家都是食店，正在猶豫要吃什麼的時候，收到熱情店員的單張，台式手工涮涮鍋，有新意吖未試過啫，就呢間吧有$268吃到飽，任飲任食，原來手工的意思是魚皮，響鈴，肉丸。。。都是自家制，新鮮，足料噃，今次應該冇㨂錯，有好嘢食前菜有麻辣木耳，酸酸辣辣，醒胃麻醬手撕雞，既香且滑沙茶雞鍋，要先吃雞哦，咪耐火左就冇咁嫩滑喇食左雞加上湯，就可以開始涮涮鍋啦三款肉，我㨂安格斯Prime Grade牛頸脊，，牛頸肉肥瘦相間，肉質腍而口感嫩滑，牛味出眾，牛脂的香味突出。由於牛脊脂肪分布勻，如雪花般滿布，肉質鬆化甘香。今日都㨂到啱心水呢正所謂：飲茶點可以無叉燒包，食泰國菜點會唔飲冬蔭功湯。。。若然打邊爐不來一碟靚牛肉，又點得呢今日食到這碟牛頸脊，真的食指大動哦這個部位由於郁動較多，肉質因而細緻、結實、肥瘦適中，相比其他部分，質感和味道都優勝得多。難怪是Prime Grade 哦牛肉丸，芝士蝦丸，芝士墨魚丸，全是手打，爽口彈牙，吾係街巿買返嚟嗰啲肉色鮮明，就知道是新鮮肉啦墨魚汁鳥結糖和太極冬菇，有創意又好味魚皮和響鈴都是新鮮炸，香脆無比，非一般火鍋店能吃得到食晒指定食物，還有好多可以無限追加

今日同個friend約左尖沙咀行街，陪佢睇名牌袋！睇完袋都諗住早少少食晚飯，可以早d返屋企！之前表姐介紹過一間台式打邊爐，定佢地叫涮涮鍋？咁我地就諗住出到黎尖沙咀隨便食埋！係open rice搵完再Google map好方便，好易搵！去到唔洗等位，可能我地早，6點幾就食！入到去都覺得地方唔錯，係唔似一般'打邊爐'咁，有返少少靚裝修地方闊落乾淨既！我地湯底就揀左三杯雞，肉類就叫左牛頸脊！三杯雞湯底好濃～甜甜地，入面既豆卜煮哂d湯，好好食，雞件好爽口好滑！真係未過爽口既雞，個煲已經好正