Sooshi Gold

Open Now

Now Closed

早前大家被困在香港，知名日式廚師發辦店閒閒地收二三千元一位仍供不應求，真係唔係人人捨得食、訂得到！不過若然識得搵，又唔係完全冇平靚正的選擇。 事緣路過，俾我發現，在中環近上環威靈頓街有一家 Sooshi Gold，竟然有$988/18道的廚師發辦，價錢吸引，別期望是大師級，但質素唔錯，我覺得食得過。我尤其喜歡上半場的刺身，象拔蚌、沙甸魚磯邊煮及天婦羅白子等，鮮甜味美。不過留意一點，份量與坊間相比較細，例如壽司飯比一般少，配合現在流行少吃澱粉質的生活習慣，女仔胃足夠，是偶爾輕食之選。對於我來說，18道剛好，不過若然食22道會更滿足。 付費輕鬆、胃納不過勞，所以我為文章標題取名 Omakase 輕身吃！  木系暖色作主調，放滿酒瓶的櫃子為主要佈置。首次光顧，而且是一人鮨境，先嚐$988/18品的。 酸汁水雲晚餐由迷你水雲杯開始，一口喝下，微酸水瑩口感，不失為美好的開始。北海道象拔蚌青檸汁調味，口感爽脆味甜，回甘悠久。 一片青檸下藏著頭的部位，厚切更爆汁。 沙甸魚磯邊煮一口吃之，甜與爽之口感，沙旬魚與紫蘇葉、蘿蔔、蔥及紫菜配合，很美味。 天婦羅白子剛炸起，非常熱熨，不能心急，需要小口小口吃。

晏晝嚟食「廚師發辦」喺比夜晚相宜啲，繼早前晌上環食過一餐出色嘅「廚師發辦」午餐之後，今回同老友過嚟中環嘅「鮨廷」再一嚐「鮨」味。呢間「鮨廷」新開無耐，但其實佢哋晌尖沙咀有店，仲開咗好耐，風評唔錯，但小弟就第一次到訪而已。門面一睇就知喺日本餐廳，但入到店內，雖然都喺以淺木色為主，不過，裝修比較摩登。一張L形板前席，有12個位，喺食「廚師發辦」嘅指定最佳位置，因為可以睇到師傅切魚生嘅刀功、揑壽司嘅手勢，而且，用大大塊透明膠板隔住。近門口亦有張4人枱，如果唔喺食「廚師發辦」，尤其午市嚟，食吓定食都OK。晌呢啲中高檔餐廳，除咗環境，餐具及服務都喺值得留意嘅一環。一碟、一杯都好古雅，之後盛菜嘅器皿亦都賞心悅目；而服務方面，好熨貼，廚師會先問問有無嘢唔食得，或食物敏感，態度有禮，店員又不時為我哋添茶及收拾餐具。師傅上菜嘅速度，亦喺恰到好處，令人用餐感到悠閒唔急促。 午市方面，除咗兩款「廚師發辦」（$398 / $498）之外，仲有10款定食供選擇，定價為$148-$378，豐儉由人，已包括沙律、茶碗蒸、味噌湯。田園沙律 雖然沙律只喺一般較和風嘅做法，即喺新鮮嘅沙律菜，淋上少少柚子醋，然後加多塊脆片