京林屋 (Moved) New Location

進註香港的抹茶專門店~除了中村藤吉還有京林屋~中村藤吉新開業時，排了2、3個鐘去試~雖然味道不錯，但小妹覺得唔值得花幾個鐘去等~所以京林屋~ 開業左一段時間~我依然未有到訪~~就係怕左排隊….今晚7點經過，門口未見人龍~~又驚又喜~~即刻拉男友入坐~~避免未食正餐，先食甜品~乖乖點左一客綠茶蕎麥冷麵~~先將少許wasabi放入醬汁~再沾著冷麵同食~醬汁清爽，帶wasabi香~冷麵Q彈有咬口~但綠茶味不太突出~當係原味蕎麥冷麵，就十分出色~輕輕食過正餐，就係令人期待的甜品時間~餐牌上花多眼亂，考慮過後，點左2款香港限定芭菲特濃焙茶雪山特濃焙茶雪山份量好驚人…3、4個人share都唔過份~刨冰尚算鬆軟，頂部加左一球焙茶雪糕~可惜焙茶雪糕有點過甜，焙茶香味不出~ 雖然底部藏有紅豆、白玉~但要食到底…先食到…唔係個雪山好易冧~結論：份量雖大，但味道有d單調~香港限定芭菲貴為香港限定甜品，當然令人期待~幸好無令小妹失望~~綠茶軟雪糕，奶味&茶味平衡得唔錯~細味下有點點回甘~~蕨餅口感特別，有點煙韌~又有濃濃綠茶香~~最令我眼前一亮~~！白玉煮得亦岩岩好，口感比蕨餅有點相似~但再軟糯一點點~~2

前幾日放假，同兩位朋友去行街，行到咁上下，想搵個地方食下甜品、休息下。三個同為抹茶控，有人提議京林屋，佢話聽朋友介紹都野食唔錯，有時仲會大排長龍 幸好我地戈日下晝去，人流唔多，所以唔洗排隊。店舖唔算太大，但勝左地方濶落 而最特別係有兩枱比屏風圍住，由天花板一直到客人嘅胸口位，完全睇唔到客人同店員個樣。由於我地都有少少肚餓，所以都叫左兩個抹茶蕎麥麵share黎墊一墊底，冷熱各一個 冷嘅先送到黎，格左5分鐘左右，熱嘅亦都隨即送到。原來兩個配料都係相同嘅，有紫菜、蘿蔔蓉同秀珍菇。熱嘅蕎麥麵比較軟腍，所以唔係我喜愛嘅口感 不過湯底經過長時間熬製，味道非常濃郁，但又帶少少清甜。而冷嘅蕎麥麵煙韌彈牙，較為有咬口 而且感覺原汁原味，抹茶味會特出過配熱湯！整體黎講，兩者嘅抹茶味唔算好突出，但帶有輕微清香。製作簡潔唔花巧，不過只要將滑溜溜嘅秀珍菇同黏黏稠稠嘅蘿蔔蓉加入面中，就會有多重口感 細細粒的菇爽口，咬戈陣不時會聽到「卜」一聲。之後我地亦叫左抹茶紅豆年糕甜湯，一打開，抹茶香味就拉撲鼻而來，而且仲清楚見到有三大粒年糕 撈一撈，湯底亦沉澱左好多大大粒嘅紅豆。呢三粒日式年糕有輕輕煎過，所

特濃焙茶雪山 ($98)焙茶fans請注意，超大座焙茶冰等你劈開。面頭放上一球焙茶雪球，焙茶味濃郁香濃，冰感重好爽滑。
雪山食之前會淋上糖水，令本身無味既冰有返甜味
，但味道過於假甜，不討好。
底下仲有好多白玉同紅豆蓉，白玉依舊煙韌，紅豆蓉會越食越甜。整體比較膩，適合三人以上分享。香港限定芭菲 ($93)抹茶控實滿足死，由日本黎歷史悠久既京林屋有香港限定既芭菲。
面頭係抹茶雪糕，甘香味濃，食落夠回甘，質地亦好軟滑。
抹茶蕨餅非常軟滑，味道就稍為淡；白玉好煙韌軟糯
，之後就有抹茶既好朋友－紅豆蓉，軟滑香甜，但甜度略為過高，食得多好膩。忌廉入面仲有塊蛋糕仔，鬆軟香口，不過難免浸淋身左。
之後有爽口既寒天同士多啤梨粒粒，
最底既有煙韌既糯米糍。整體無咩大驚喜，但層次豐富，兩個人share都好飽好滿足呢。

#京林屋 係一間係#京都 有過百年歷史既老店。無耐之前係銅鑼灣開分店😘。店內裝修亦幾有風味！香港限定既芭菲(7/10)($98)香港限定既芭菲，黎到京林屋無理由唔試下。上面有抹茶雪糕，中間有蕨餅同白玉，加上紅豆，蜂蜜蛋糕，底層有士多啤梨，抹茶啫喱，香桃。雪糕質感唔算好結實，但抹茶味足夠，奶味亦重，而且唔易溶真係值得一讚。下面不同食物層次，食落層次感豐富，但要數foodki 最鍾意，絕對係佢地隻蛋糕，蜂蜜味好出，質感亦好特別，加上雪糕，其他食物撈埋黎食口感相當豐富。半月布丁(7/10)($58)抹茶味好香，加上好有奶味，比想像中好食。咬入口比較似cream 既口感。茶味香濃好味！蕨餅三種盛(6.5/10)($98)呢個就比較岩咩都想試下既人試，呢個有蕨餅，雪糕，紅豆，白玉，加埋可以揀$42既茶。一個就可以滿足曬自己想試既野。蕨餅比較煙韌，味道清淡，唔算有好濃既抹茶香。雪糕抹茶味夠，奶味重。而紅豆好甜，白玉煙韌好食。茶就幾好飲，而且呢到有好多款茶可以選擇，例如桃茶，抹茶等等。奉上時仲附有說明書同埋30秒沙漏。教客人自己都可以泡出好茶。焙茶雪山(7/10)($98)呢個#焙茶雪山 真係好大好

香港限定芭菲 (HKD98)嗚呀! 我終於食到啦 記得之前中村排隊排到痴晒線呢間京林屋絕對絕對可以媲美到中村上面既抹茶雪糕超級超級濃郁 偏少少苦而且雪糕好嫩滑 堅挺 唔易溶另外 我極愛抹茶啫喱 質感超好而且「入口即溶」一試真係愛上😍重點係唔洗排隊😚😚😚特濃焙茶雪山 (HKD 98)咁凍既天氣食咁大座冰 覺得自已真係玩命 不過唔好以為真係得冰食 其實佢加左好多焙茶味既sauce 加上上面有一球好濃焙茶味既雪糕 食每一口都入口即溶 茶香味濃 食到最底仲有驚喜 小丸子同紅豆 增加口感 甜味 😳 絕對係陪綠茶控食甜品但自已又好憎食綠茶既朋友仔😂