御前大江戶日式料理 (Closed)

-磯燒頭盤新鮮大大隻，有專人幫手處理一下鮑魚扇貝，蠔，蟶子-沙律位乾淨企理，蟹柳蟹籽獨立任fill-壽司有特色，唔怕撞刺身款，飯量偏少，方便大家食多d唔既菜式-雪糕有甜筒，Mega，脆皮香芋雪條呢d可以選擇-加$5會多個蠔既放題種類，不過原先諗未必食到太多野，一開始無加，食量大既不仿試下佢-落Order用平板電腦，上菜效率幾好-走道寬敞，座位坐得舒服，環境整潔提前Book左星期日晚去大江户食放題，依然要係門口排好隊果然受歡迎，食物水準幾好，新鮮大大隻，頭盤磯燒既部分有鮑魚，扇貝，蟹膏煮蛋，蠔，蟶子一人一份，唔夠既仲有其他磯燒既選擇，有做額外收費既亦有本身放題既，任君選擇。一坐低即刻去左攞飲品同沙律，飲品如咸甘桔呢一類都有細枝裝，隨時轉口味都會較少浪費另外沙律既部分蟹柳仲有蟹籽係獨立出來既，特別鍾愛既人可以好似我咁加多d，又或者獨立攞一堆來食都無問題，而且保持住乾淨整潔，平時如果見到呢d位置如果沙律汁飛到周圍都係，多數都唔會攞呢類沙律，難得今次少有咁攞左一盤返埋位。返到埋去枱面已經放好左一開始落Order 既刺身，刺身夠新鮮，唔錯唔錯，值得一提既係壽司既選擇比較有特色，而且飯量會偏少，唔

朕今晚又同一眾隨從們外出尋食，今次既地點係觀塘，朕都有好耐無去過觀塘尋食，今晚出巡到APM，發現隔離有幢叫1亞太中心，入面有好多食野既地方，朕見到有一間《御前大江戶》，御前－正合朕既心意。上到去，地方好寬倘，絕對唔會好似旺角同尖咀個啲日本放題店咁，迫死人。呢度啲前菜飲品同埋甜品都放哂喺出面既雪櫃度任君揀，要咩攞咩！而其他食物就梗係落Order啦！呢度既食物種類，大大話話都有一百幾十樣，真係花多眼亂。不過食放題，頭Round就梗係食刺身先啦！成張刺身Order紙，我只係劃左玉子啫（即係唔要玉子）全部都要！！！個刺身拼盤一上枱，成張枱咁大，真係夠哂霸氣，大大既拼盤滿滿既刺身，盤內有鮮甜既深海鱸魚，油香味較濃既油甘魚同埋三文魚（好肥），另外就係朕唔係咁鍾意但係偏偏隨從們就個個都鍾意食既希靈魚，仲有就係又大又鮮甜既大甜蝦，同埋肥美又鮮甜既北海道帶子。呢度仲有泰式生蝦刺身，生蝦肉質爽口，加埋個泰式醬汁，讚！！！（個汁都幾辣）另外朕仲試左幾款特別既壽司，有一款係用張好似係紙又好似唔係紙既紙包住件壽司，隨從們對呢件野議論紛紛，又唔敢食，驚食左張真係紙既紙會俾人笑，糾結左好耐，朕終於忍唔住，一口咬左一