炙・宴 (V City)

Open Now

Now Closed

睇永恆族之前去V City搵食，本身想試隔離既台灣餐廳，但尼間快d有位就試下，點知咁好味😋特選宮崎和牛飯($169)和牛飯超級正，好好食，和牛燒得靚，入口即融，個燒汁好味，配埋飯好味。"友人"表示再食都係會揀和牛飯。(個人口味E: 3.9/5)ABURI-EN豚肉丼($78)上菜熱辣辣，食得出係岩岩燒好，5大塊燒豬肉片，有3塊係肥瘦適中好正，可惜有2塊就偏柴，但都ok。飯既份量好大碗，最欣賞係燒汁足夠撈勻成碗白飯，好好味好滿足。如果再食，我會想試五花腩肉溫泉蛋飯。挑剔既係，個黑色盤望落有d殘/油。(個人口味S: 3.5/5)

原本和女朋友在等牛角可惜等了又等，等咗一個多小時還是只過了4張檯，無法之下只好另覓新歡。一轉頭，我們驚見對面就有一間環境看上去不錯的丼飯！幾番猶疑之下，我們還是決定入去一試，不試還好，一試便愛上了這件餐廳！決定將其擺在日常飯堂清單裡～首先我們入餐廳，職員十分熱情，效率很好，十分有禮貌。菜式方面我們點選了月見豬腩肉飯和宮崎特選和牛飯和牛油脂分布十分平均，牛味十足，份量也十分相宜，女朋友一碗飯剛剛好，賣相同Menu的樣子相差無幾簡直一樣，女朋友一吃之下驚呼了出來，嚇得隔離檯也看過來。而豬腩肉也不會太韌，味道十分出眾，醬汁配置非常恰當表示大愛最後個煎餃餡料十足，豬肉味濃，煎得恰到好處。我們其實還叫了熱情果芒果梳打十分好喝呢總括來說，服務質素好，價錢恰當，食物質素之高令人乍舌極力推薦大家等不到牛角，或者想食高質丼飯的人去試下

經常都經過呢間炙.晏食宮崎牛，經常都好多人一到晚市就要等位，今次我終於可以嘗試到啦！經常被門口三隻白色小豬吸引住，餐廳裝修好有日本feel。有一個飯加$15轉套餐有湯和沙律，特選宮崎和牛飯有7片和牛又幾厚，和牛一咬落口好似入口即溶，咬落油脂滿溢超香濃，啖啖和牛油脂超美味，肉汁又流落飯更加香。沙律菜好fresh又爽口，配上香醋汁更加開胃。麵鼓湯幾香又唔會太咸。豚肉丼有5-6片每片都幾大片，豚肉燒到好入味，肉質淋又唔韌又有肉汁，肉汁又流入飯令飯更加美味。厚厚炸沖繩島豆腐，外層炸到好脆內軟熟，好美味可口。

端午節公眾假期，商場人山人海，要搵食果然唔容易，呢間餐廳門口有三隻立體發光嘅豬仔，見佢哋咁得意，今日就幫襯下呢間日本餐廳中午繁忙時間比較多人用餐時間，只有60分鐘，坐低冇耐，我哋就落咗嘢食，職員仲送左口罩套同埋濕紙巾俾我哋添，呢度防護意識相當高灸燒同埋豚丼係呢間餐廳嘅賣點，唔怪得知門口有咁多隻豬仔啦先黎個橙紅色湯底嘅火辣拉麵上面有幾塊用火槍燒過嘅豚肉燒完之後豚肉面會有少少燒焦過嘅痕跡，燒咗嘅肥膏入口就唔會咁肥而呢度嘅拉麵係比平時更加柔細朋友就叫咗個和牛丼飯仲加咗$12要隻半熟蛋添，食落去唔會太實心做到半熟嘅效果而且，有少少煙熏味，果然唔錯日本和牛輕輕一燒，放入口齒頰留香

話說一早知道有這間新餐廳，在他們的第一天去了試食，亦都知道應該會很有人氣，應該會等很久。怎料在拿到票後(當時是下午2時57分)，還有11張枱在輪候，但4分鐘後就已經可以入座(下午3時01分)。可能因為已經過了午市優惠時段，套餐會附送味噌湯和迷你沙律，如在其他時段就要加$15了。小編與友人在3時04分下單，要了一個和牛飯和豚肉飯，最後和牛飯在3時27分才終於上枱了，等了23分鐘。而豚肉飯在3時33分亦都送上枱了，等了29分鐘。期間亦聽到附近的客人也不斷在催促食物的進度，有人的都快吃完了但他朋友的食物還未出現，這幾天應該也會再次發生這種情況。回題，特選宮崎和牛飯($159)，大約有6-7片牛肉，還有一些炒菇和蔥花。原本以為底下薄薄一層的飯會很少，但因為配和牛，所以最後其實都很飽肚。米飯上的特製日式燒肉醬汁不會過多，不會過咸，剛剛好。另外他們的其一賣點是以鐵板燒演繹出柔軟焦香的燒肉與米飯融合的完美感覺，但和牛一點都燒得不夠焦香，只達到了肉質柔軟這一點。而和牛本身不會太油膩，油脂適中，牛肉味和牛脂味都突出，熟成度剛好。另一個是沖繩琉香豚肉飯($108)，約有6-8塊豚肉，也是有一些炒菇和蔥花。