番茄師兄 (Closed)

疫情期間好多食店都好難做，所以呢段時間出街食都盡量幫襯小店，特別係黃店，平時網上睇到好多番茄師兄既廣告但都無乜機會試，趁呢排公司少野做就係中午放飯時間走出去試下啦。中午1點左右入去唔洗等位，餐牌主打番茄濃湯既麵食，無飯食的，我選擇左個餐牌上最貴既犇犇有禮配通粉，配料有牛坑腩，牛脷同騸牯牛面肉，番茄湯配通粉真係正，每啖都飲到番茄湯，如果湯再濃多dd就再正d，牛面肉平時比較少食，有dd肥膏位，牛坑腩同牛脷都夠腍，價錢方面都尚算合理，可以返卓。

話說之前睇到d post見到好似好好食甘因為自己都幾中意食番茄既野於是就去試試佢既餐牌都幾特別用可重環既menu 寫完擦左佢可以重用再寫甘幾好用環保眼睇個湯底係濃既帶子都大大粒蜆肉個殼都幾大而且重有一小半既番茄🍅但到我食既時候，我第一啖當然要試左個番茄湯先啦 感覺佢俾我想像中既淡味 不算很濃烈既番茄帶子又真係有口感 因為啖啖肉 不過蜆肉就比較小啦 無咩感覺配左個米線都幾飽下 都大碗 但真係無咩味就比較落差左d咯犇犇有禮 其實就係牛既”面珠燈”感覺都幾滑 又霖 加左隻蛋同芝士 個蛋炒得幾滑 有d大份 而且芝士係有兩片 撈埋落拉麵到食 幾好既 但可惜個番茄湯底真係唔夠味道d份小食又真係幾厚既豬扒炸得幾好 煎完再炸又唔太乾身不過舊肥膏有d大舊食完更係飲杯野啦 佢既凍飲係有用樽仔裝都幾特別 拎走個樽仔俾錢就可以架啦豆漿都幾甜 紅棗茶當然甜啦

今日黎開元朗，原來係深水埗區好出名既番茄師兄黎左元朗啦😱😱😱，條龍比起深水埗短，即刻又黎再試一試👍🏻👍🏻今次分別叫左帶子牛郎 $69同犇犇有禮 $79帶子牛郎，就係顧名思義就係帶子加牛脷，帶子好鮮甜，牛脷入曬味好出色，鍾意牛脷既不容錯過犇犇有禮，內有三種唔同既牛肉：牛面頰、崩沙腩同牛坑腩，鍾意食肉既一族唔好錯過，牛好冧，好入味，配合佢既番茄湯底，一流👍🏻👍🏻另外當然不可不提個番茄湯，番茄🍅味好濃，好似飲左成個番茄咁，好正😍😍另外佢既飲品都係樽仔入，叫左個豆漿，好飲👍🏻👍🏻👍🏻