HAHA CHICKEN 하하치킨 (順發居) (Closed)

鍾意食炸雞的妹妹今日嚟到長沙灣呢度食韓式外賣炸雞🐔呢度仲有多種口味嘅炸雞🍗原味、蒜香、狂熱、甜辣、麻辣、芝士⋯⋯妹妹揀咗皇牌芝士炸雞套餐$51我揀咗狂熱炸雞套餐$51每個套餐跟紫菜飯＆汽水🥤唔要紫菜飯可轉一塊炸雞🐔仲有每款炸雞跟兩塊炸年糕😍炸年糕煙煙韌韌超好味😋🧀皇牌芝士炸雞成塊雞都鋪滿晒芝士粉，真係芝味濃郁的炸雞🐔🔥狂熱炸雞少少辣、卜卜脆好惹味🤤跟餐優惠價$21多一份脆薯條🍟大大條卜卜脆嘅紫菜味薯條，食完一條又一條😂🦑酥炸魷魚都係值得推介的👍脆口彈牙的蒜香酥魷魚，被我們秒殺了😁🍙仲有長沙灣店限定的紫菜包飯現場即叫即做，主打手工、新鮮、餡多，多重口感、健康有營❤️

呢排睇波最適合就係食d滋味炸物，叫呢間炸雞店外賣真係啱晒🤣。有唔同口味嘅韓式炸雞同小食，可以揀一人套餐或者一大班人一齊share都得🤗。 🍴皇牌芝士炸雞餐$49皮脆肉嫩嘅炸雞 無骨啖啖肉好正炸雞好大舊阿芝士粉落得好足 芝士味濃👍 🍴狂熱炸雞餐$49呢款有少少似熱浪味唔會好辣之餘又有刺激感一樣係炸皮香脆 入面肉質好嫩好惹味阿😋 🍴卡邦尼飯(跟餐)卡邦尼飯好creamy薯仔粒同煙肉份量都幾多正！ 🍴安東雞飯(跟餐)入面有好多薯仔粒 紅蘿蔔粒醬汁味道甜甜的 食到有蒜香味味道都幾特別阿 可以一試 🍴酥炸魷魚餐$57魷魚超適合邊睇直播邊慢慢嚼！揀左芝士味 鹹鹹甜甜嘅味道魷魚有咬口 而且有魷魚味 食材質素幾好🍴蒜香酥炸魷魚(半份)$38蒜香味都好食阿 一條接一條停唔到口🤣配啤酒就最啱喇

放低車在長沙灣車房整車，在附近逛一下，見到這間韓式炸雞，價錢真係好抵，就買個外賣回家吃。味道選擇都幾多，雙拼又唔貴，而且仲有飯加炸雞套餐。【皇牌芝士炸雞】味道偏甜，都幾油膩，炸粉皮唔算厚，好重芝士粉味道，有啲似麥當勞shake shake薯條嗰隻粉嘅味道。份量真係超級多，而且冇骨，啖啖肉。【狂熱炸雞】開頭以為有少少辣，點知都係偏甜，個味道比較接近原味炸雞。【蒜香酥炸魷魚】份量又係好大份，半份都有大半盒，炸得乾身，蒜香味道都濃，送啤酒一流！