糖室 (Closed)

南山邨，相信依個邨名都有唔少人認識，因為一張相而令好多攝影發燒友過黎影相/採訪。已經同依個地方有8年既經歷，雖然變唔大，但位於大排檔區，就多左一間西式甜品店，為依個舊區增添左新活力！黎得食甜品既人，除左附近街坊，我諗大多數都係學生為主，中學、城大等等行過黎，5-10分鐘就話咁易。我同CHICKEN揀正食飯時間黎就冇乜人，室內環境唔算大，再加上落雨就冇坐都出去，而環境佈置主要係楓木色為主，走休閒路線。MEAU設計精巧，圖文並荗得黎夠慳位，不過款式太多太吸引，搞到有選擇困難症！！蜂蜜藍莓吐司條，四條吐司條加一球雲尼拿雪糕，吐司條非常脆身，咬落去「索索」聲，點上藍莓醬令面層微軟，再一啖咬落去，甜得黎脆卜卜，雪糕都可以加上去，令口感更加唔一樣～兩種配醬任點，食落去唔會話好甜，感覺不錯！玫瑰杞子雪耳露，做女人都要滋補下，與此同時比自已機會食甜品，比較中意熱食，口感稠身，充滿杞子既味道，而雪耳滑嫩，有龍眼同紅棗補血氣，生理期既女士唔建議食住～加上玫瑰錦上添花，令到成碗雪耳露賣相更吸引！食落去都有淡淡玫瑰味～宇治抹茶梳乎厘，梳乎厘上面鋪上一層抹茶粉，製作需時要等，再配多個雪糕。內裡軟綿綿熱辣辣，加上

對於土生土長的七八十後，冬菇亭大牌檔公屋這些都是上世紀的集體回憶，好遙遠記憶開始模糊。在公屋買少見少的情況下，南山邨可以說是一站式找到以上各項的回憶，而街市上蓋的兒童遊樂場，近年亦成為了熱門拍攝熱點～發現陪著自己長大的東西都拆得就拆，理所當然的想去懷緬一下！這張是從網路找到的相片，記錄著我們是如何長大的，但很抱歉已經所剩無幾。因為這張相片，我就走來這裡行了一轉，是我從來沒來過的南山村。在石尾地鐵站B2出口行出來，往下轉左就會見到南山商場，而那張相片行上樓梯就會見到。未行到去兒童遊樂場，卻見到另一個童年回憶—冬姑亭，以前屋企人唔煮飯要落去食大牌檔我就怕怕，但今日見到又好想食少少野，回憶呢Ｄ野好奇怪，正打算食車仔麵定叉燒飯時，見到呢間新的甜品店。夏天刨冰正呀！見價錢都不是太貴，就決定揀呢間食杯冰，冷靜一下。百里香葡萄冰 $36店內供應大概８款刨冰，我見佢係粉紅色先揀佢，荔枝糖漿味不算太突出但都叫天然順喉（不是藥水味），上面灑了切碎左的百里香，冰都刨得細碎不會大大件，食到中間見到有香甜的白桃乳酪雪糕，底層有新鮮葡萄，加上荔枝雪米磁等，整體口感豐富，用了很多配料襯托出清新的感覺。香脆牛油吐司條