Video
Read full review
2018-09-17
141 views
※本文以用餐當日的環境、服務和食物質素為準，口味亦因人而異，文章只作參考之用。-TEA HUB係一間在港較少見，以茶作主打的一間Cafe。他們的食物和飲品大多都以茶入饌，連甜品和雪糕都係！店家一直藏在小妹的口袋名單中，前排終於如願以償，去食佢地以「茶」入饌既鹹食同甜品，大部分都很喜歡啊，係誠意出品！簡約的木系裝潢座位不迫狹、不焗促也是另一喜愛的原因！TEA HUB就在一條橫街上，不算顯眼，進店後就是一個小清新的地方。店內簡約的佈置，搭配木桌木椅，也有望向大街的座位；每枱都有放上乾燥花作點綴，完全岩晒相機食先的小妹。最前方像小木屋設計的係落單和蛋糕櫃的位置，旁邊也放有兩張椅子，相信滿座時也是可以坐的。餐牌上有分茶食套餐、輕食（包類和沙律）、蛋糕、窩夫、雪糕和各種茶類飲品。鹹食選擇不多，反而甜品選擇卻不少，最出名一定係佢地既各款茶味戚風蛋糕。平時餐餐都食得比較重口味，偶然食返清清地感覺相當唔錯。茉莉綠茶（蘋果口味）氮氣茶 $45、跟餐玫瑰烏龍茶面頭一層白色氮氣，飲落其實係一杯清幽既茉莉綠茶，帶點蘋果香氣，很解渴又不過甜。茶食套餐 $78 （包前菜、飲品）佢地既茶食套餐，可揀要茶湯冷麵、茶漬
-
TEA HUB係一間在港較少見，以茶作主打的一間Cafe。他們的食物和飲品大多都以茶入饌，連甜品和雪糕都係！店家一直藏在小妹的口袋名單中，前排終於如願以償，去食佢地以「茶」入饌既鹹食同甜品，大部分都很喜歡啊，係誠意出品！簡約的木系裝潢座位不迫狹、不焗促也是另一喜愛的原因！
TEA HUB就在一條橫街上，不算顯眼，進店後就是一個小清新的地方。店內簡約的佈置，搭配木桌木椅，也有望向大街的座位；每枱都有放上乾燥花作點綴，完全岩晒相機食先的小妹。最前方像小木屋設計的係落單和蛋糕櫃的位置，旁邊也放有兩張椅子，相信滿座時也是可以坐的。
餐牌上有分茶食套餐、輕食（包類和沙律）、蛋糕、窩夫、雪糕和各種茶類飲品。鹹食選擇不多，反而甜品選擇卻不少，最出名一定係佢地既各款茶味戚風蛋糕。平時餐餐都食得比較重口味，偶然食返清清地感覺相當唔錯。
玫瑰烏龍茶
11 views
0 likes
0 comments
茉莉綠茶（蘋果口味）氮氣茶 $45、跟餐玫瑰烏龍茶
面頭一層白色氮氣，飲落其實係一杯清幽既茉莉綠茶，帶點蘋果香氣，很解渴又不過甜。
茶食套餐 $78 （包前菜、飲品）
佢地既茶食套餐，可揀要茶湯冷麵、茶漬飯或茶湯麵；再從四款「茶餸」中選擇兩款。我倆剛好可試晒四款「菜餸」，四款「茶餸」都加入左茶既元素，估唔到四種餸的味道都頗不錯。
跟餐的味增伯爵茶大根（白蘿蔔）燜得唔夠腍，伯爵茶味都唔夠明顯。
分別叫左茶漬飯同茶湯冷麵，兩個都同樣係烏龍茶底，茶底清澈，味道甘甜，搭配冷麵食很夾又解暑，不過茶味可再濃返少少。
醬油玄米茄子、柚子煎茶雞翼，本身醬油茄子已經好夠味，面頭加上玄米脆更豐富左口感；柚子煎茶雞翼的醬汁非常足夠，可惜煎茶味欠奉，但柚子味很重，還是食得小妹津津有味！
茉香粉絲配溏心蛋、香茅薑茶脆魚塊
粉絲內仲見到一條條黑色的茶葉，只是食落估唔到是偏鹹的（鹹味可輕手返少少）），本來還以為係帶淡淡茶香的那種。雖然茶味不明顯，但配埋蛋味突出既溏心蛋，個人黎講很喜歡。香茅薑茶脆魚塊就略為乾左少少，幸好外皮仍帶點脆度，蘸上香茅薑茶汁還頗清新。
泰式奶茶麻糬戚風蛋糕
$55
31 views
0 likes
0 comments
泰式奶茶麻糬戚風蛋糕 $55
戚風蛋糕的賣相很澎湃，中間仲夾住忌廉同麻糬，蛋糕食落質感鬆軟富彈性，完全唔會覺得乾爭爭；食落有淡淡既泰式奶茶味，想味道更濃可將枝泰式奶茶吱落蛋糕裡，味道更加突出！中間的麻糬都係店家自家製，食落煙煙韌韌又唔會太黏，頗喜歡這種較清爽的口感。
龍鳳青檸慕絲蛋糕
$36
18 views
0 likes
0 comments
龍鳳青檸慕絲蛋糕 $36
看似簡單的青檸慕絲，酸甜度得宜，食完都唔覺膩。
Post
